ଭୁବନେଶ୍ୱର (ଏଟିଆର ବ୍ୟୁରୋ): ରାଷ୍ଟ୍ରୀୟ ସ୍ୱୟଂ ସେବକ ସଂଘ (ଆରଏସଏସ)ର ବରିଷ୍ଠ ପ୍ରଚାରକ ହରିହର ନନ୍ଦଙ୍କ ପରଲୋକ ଘଟିଛି । ଆଜି ଭୋର ସମୟରେ ଏକ ଘରୋଇ ହସ୍ପିଟାଲରେ ସେ ତାଙ୍କ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୮୪ ବର୍ଷ ବୟସ ହୋଇଥିଲା । ଦୀର୍ଘ ଦିନ ହେବ ସେ ଲିଭର୍ କ୍ୟାନ୍ସର ରୋଗରେ ପୀଡିତ ଥିଲେ ।
ସେ ଆରଏସଏସ୍ ର ପ୍ରଥମ ଓଡିଆ ପ୍ରାନ୍ତ ପ୍ରଚାରକ ଥିଲେ । ତାଙ୍କ କାର୍ଯ୍ୟକାଳ ସମୟରୁ ସେ ହରିହର ଦା ଭାବେ ପରିଚିତ ହୋଇଥିଲେ । ପାଠ ପଢିବା ସମୟରେ ହିଁ ସେ ଆରଏସଏସର ଶଂସ୍ପର୍ସରେ ଆସିଥିଲେ ।
ଏହାପେର ସେ ସେ ରାଷ୍ଟ୍ରଦୀପର ପ୍ରଥମ ସଂପାଦକ ଭାବେ ଦାୟିତ୍ୱ ବହନ କରିଥିଲେ । ଏହାସହିତ ଅଖିଳ ଭାରତୀୟ ହିନ୍ଦୁ ଜାଗରଣ ଭାର ମଧ୍ୟ ତୁଲାଉଥିଲେ । ତାଙ୍କ ମୃତ୍ୟୁ ଖବର ପ୍ରକାଶ ପାଇବା ପରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି । ଏହାସହିତ ତାଙ୍କୁ ଶେଷ ଦର୍ଶନ କରିବା ଲାଗି ତାଙ୍କର ଭୁବନେଶ୍ୱର ବାସଭବନଠାରେ ପ୍ରଖୁମ ବ୍ୟକ୍ତି ମାନେ ପହଁଚିଛନ୍ତି ।
