ଭଦ୍ରକ (ଏଟିଆର ବ୍ୟୁରୋ): ଧାମନଗର ଏନଏସିର ୬ଡି ବୁଥ୍ ରେ ପୁନଃ ମତଦାନ ପରେ ଆଜି ସକାଳ ୮ ଟାରୁ ଆରମ୍ଭ ହୋଇଛି ଭୋଟ ଗଣତି । ଏନେଇ ଉକ୍ତ ଅଞ୍ଚଳରେ ଜିଲ୍ଲା ପ୍ରଶାସନ ପକ୍ଷରୁ ୧୪୪ ଧାରା ଲାଗୁ କରାଯାଇଛି । ଏହି ପ୍ରତିବନ୍ଧକ ଆସନ୍ତାକାଲି ସକାଳ ୬ଟା ଯାଏଁ ଲାଗୁ ରହିବ ।
ଗୋଟେ ସ୍ଥାନରେ ୫ ରୁ ଅଧିକ ଲୋକ ଏକତ୍ରିତ ନହେବାକୁ ଏବଂ ଭୋଟ ଗଣତି କେନ୍ଦ୍ର ନିକଟକୁ ଚାରି ଚକିଆ ଯାନ ଯାତାୟତ ଉପରେ ପ୍ରତିବନ୍ଧକ ଲଗାଯାଇଛି । ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ଏହି ପ୍ରତିବନ୍ଧିକ ଲଗାଯାଇଛି ।
ସୂଚନାଯୋଗ୍ୟ, ଧାମନଗର ଏନଏସିର ୩, ୮, ୯, ୧୬, ୧୭ ଏବଂ ୧୮ ନଂ ବୁଥରେ ସାନି ମତଦାନ କରାଯାଇଥିଲା ।
