କଟକ(ଏଟିଆର ବ୍ୟୁରୋ):ମାହାଙ୍ଗା ଡବଲ ମର୍ଡର ମୁ୍ଖ୍ୟ ଅଭିଯିକ୍ତ ପ୍ରଫୁଲ ବିଶ୍ୱାଳଙ୍କ ମୃତ୍ୟୁ ଘଟିଛି । ଟାଙ୍ଗୀ ଟୋଲ ଗେଟ ନିକଟରୁ ଗତକାଲି ବିଳମ୍ବିତ ରାତିରେ ମୃତଦେହ ଠାବ କରିଛି ଟାଙ୍ଗୀ ଥାନା ପୋଲିସ । ତେବେ ଏହି ଦୁର୍ଘଟଣା କିପରି ହେଲା ସେ ନେଇ ପୋଲିସ କିମ୍ବା ପରିବାର ପକ୍ଷରୁ କିଛି ସ୍ପଷ୍ଟ ସୂଚନା ମିଳିପାରି ନାହିଁ ।
ମର୍ଡର ଘଟଣାର ଅନ୍ୟତମ ଅପରାଧୀ ଥିଲେ ପ୍ରଫୁଲ । ମର୍ଡର ପରଠାରୁ ପ୍ରଫୁଲ ଫେରାର ଥିବା ବେଳେ ପୋଲିସ ତାଙ୍କୁ ଖୋଜୁଥିଲା ବେଳେ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଥିବା ନେଇ ପୋଲିସ ସନ୍ଦେହ କରୁଛି । ଟ୍ରକ ମୁଣ୍ଡ ଉପରେ ଚଢି ଯାଇଥିବାରୁ ମୃତଦେହ ସ୍ୱଷ୍ଟ ଜଣାପଡୁ ନାହିଁ ।
ପ୍ରଫୁଲଙ୍କ ମୁହଁ ସମ୍ପୁର୍ଣ୍ଣ ଭାବେ ନଷ୍ଟ ହୋଇଯାଇଥିବାରୁ ପୋଲିସ ପ୍ରଥମେ ବ୍ୟକ୍ତିଙ୍କ ପରିଚୟ ପାଇ ପାରିନଥିଲ ।ଘଟଣାସ୍ଥଳରେ ପୋଲିସ ବାଇକ ,ପର୍ସ ଓ ମୋବାଇଲ ଜବତ କରିଛି । ଜବତ ହୋଇଥିବା ଜିନିଷରୁ ପୋଲିସ ଜାଣିବାକୁ ପାଇଛି ଯେ ଉକ୍ତ ବ୍ୟକ୍ତି ଜଣକ ମାହାଙ୍ଗା ପ୍ରଫୁଲ ବିଶ୍ୱାଳ । ମୃତ ଶରୀରକୁ ପୁଲିସ ବ୍ୟବଚ୍ଛେଦ ପାଇଁ ଡାକ୍ତରଖାନା କୁ ପଠାଯାଇଛି ।
