ଅଫିସରଙ୍କ ଛୁଟିକୁ ନା । ବନ୍ୟା ପାଇଁ ବାତିଲ ହେଲା ପୂଜା ଛୁଟି ।

ଭୁବନେଶ୍ୱର (ଏଟିଆର ବ୍ୟୁରୋ ) ; ଅଫିସରଙ୍କ ଛୁଟି ବାତିଲ କଲେ ରାଜ୍ୟ ସରକାର । ସାମୁଦ୍ରିକ ଝଡ ତିତଲିର ପ୍ରଭାବରେ କ୍ଷୟକ୍ଷତି ଓ ବନ୍ୟା ପରିସ୍ଥିତି କୁ ଆଖି ଆଗରେ ରଖି ସଚିବାଳୟ ଓ ବିଭାଗୀୟ ମୁଖ୍ୟ ଦପ୍ତରର ସମସ୍ତ ଛୋଟ ବଡ ଅଫିସରଙ୍କ ଛୁଟି ବାତିଲ କରିଛନ୍ତି ରାଜ୍ୟ ସରକାର । ତେବେ ଆସୁଥିବା ପୂଜା ପାଇଁ ଦିଆଯାଇଥିବା ଛୁଟିକୁ ମଧ୍ୟ ରଦ୍ଦ କରାଯାଇଛି । ତେବେ ସଚିବାଳୟର ଆସିଷ୍ଟାଣ୍ଟ ସେକ୍ସନ ଅଫିସରଙ୍କ ଠାରୁ ଆରମ୍ଭ କରି ସଚିବ ପାହ୍ୟାର ସମସ୍ତ ଅଫିସରଙ୍କ ଛୁଟି ବାତିଲ କରିବା ପାଇଁ ସାଧାରଣ ପ୍ରଶାସନ ବିଭାଗ ର ପ୍ରମୁଖ ସଚିବ ଏକେକେ ମିନା ସମସ୍ତ ବିଭାଗୀୟ ସଚିବଙ୍କୁ ଚିଠି ଲେଖିଛନ୍ତି । ତିତଲିର କ୍ଷୟ କ୍ଷତି ଓ ବନ୍ୟା ପରିସ୍ଥିତିର ମୁକାବିଲା ଲାଗି ପ୍ରମୁଖ ସଚିବ ଏପରି ନିଷ୍ପତି ନେଇଥିବା ଜଣାପଡିଛି । ସେପଟେ ସଚିବ ମାନଙ୍କୁ ରୋଷ୍ଟର ଡ୍ୟୁଟିର ବ୍ୟବସ୍ତା କରିବା ଲାଗି ପରାମର୍ଶ ମଧ୍ୟ ଦିଆଯାଇଛି ।