ପୁରୀ (ଏଟିଆର ବ୍ୟୁରୋ): ଆଜି ବଡ ଦେଉଳରେ ଶ୍ରୀଜିଉଙ୍କ ବନକଲାଗି ନୀତି । ଦତ୍ତମହାପାତ୍ର ସେବଙ୍କ ଦ୍ୱାରା ଏହି ସେବା କରାଯିବ । ସେଥିଲାଗି ମନ୍ଦିରର ଫାଟକ ବନ୍ଦ ରହିବ । ଏହାସହିତ କୋଟି କୋଟି ଭକ୍ତଙ୍କ ପ୍ରାଣର ଦେବତାଙ୍କର ଦର୍ଶନ ୪ ଘଣ୍ଟା ପର୍ଯ୍ୟନ୍ତ ବନ୍ଦ ରହିବ । ଅପରାହ୍ନ ୪ଟାରୁ ରାତି ୮ଟା ପର୍ଯ୍ୟନ୍ତ ଭକ୍ତମାନେ ଶ୍ରୀଜିଉଙ୍କ ଦର୍ଶନ କରିପାରିବେ ନାହିଁ ।
ଏହି ବନକଲାଗି ନୀତି ରେ ଦତ୍ତାମହାପାତ୍ର ସେବକମାନେ ସୁଦର୍ଶନ, ବଳଭଦ୍ର, ଜଗନ୍ନାଥ ଏବଂ ମା ଶୁଭଦ୍ରାଙ୍କୁ ରଙ୍ଗ କରିବେ । ଶ୍ରୀଜିଉଙ୍କ ଏହି ନୀତିରେ ୪ଟି ରଙ୍ଗ ବ୍ୟବହାର କରାଯାଏ । ସେଗୁଡିକ ହେଉଛି ଧଳା,କଳା, ନାଲି ଓ ହଳଦିଆ । ପ୍ରାକୃତିକ ଉପାୟରେ ରଙ୍ଗକୁ ପ୍ରସ୍ତୁତ କରାଯାଇଥାଏ । ବନକଲାଗି ସମୟରେ ଅନ୍ୟ ସମସ୍ତ ନୀତିକାନ୍ତି ବନ୍ଦ ରହିଥାଏ ।
