ଭୁବନେଶ୍ୱର(ଏଟିଆର ବ୍ୟୁରୋ):ଆସନ୍ତା ୧୩ ତାରିଖରୁ ସପ୍ତମ ଆଉଟରିଚ୍ ଅନ୍ତର୍ଜାତୀୟ ରେଡିଓ ମେଳା ଆୟୋଜିତ ହେବାକୁ ଯାଉଛି । ଦୁଇଦିନ ଧରି ଚାଲିବାକୁ ଥିବା ମେଳାର ମୁଖ୍ୟ ଆକର୍ଷଣ ସାଜିବେ ଦେଶର ଅନ୍ୟତମ ଲୋକପ୍ରିୟ ଆରଜେ ପ୍ରବୀଣ । ପ୍ରସାରଣ କ୍ଷେତ୍ରରେ ଉତ୍କର୍ଷତା ପାଇଁ ଆରଜେ ପ୍ରବୀଣଙ୍କୁ ପ୍ରଦାନ କରାଯିବ ଆଉଟରିଚ ରେଡିଓ ଆୱାର୍ଡ ।
ଏହି ରେଡିଓ ମେଳା ଭଞ୍ଜକଳା ମଣ୍ଡପରେ ଆୟୋଜିତ ହେବ । ଏଥିରେ ୩୦୦ ପୁରୁଣା ରେଡିଓ , ଗ୍ରାମଫୋନ,ପ୍ରସାରଣ ସାମଗ୍ରୀ ଓ ହୋମ ରେଡିଓ ପ୍ରଦର୍ଶିତ ହେବ । ଏହି ଅବସରରେ ୧୫ ଜଣ ରେଡିଓ ଉପସ୍ଥାପକଙ୍କୁ କରୋନା ଯୋଦ୍ଧା ସମ୍ମାନ ପ୍ରଦାନ କରାଯିବ । ଚଳିତ ବର୍ଷ କରୋନା ସ୍ଥିତିକୁ ଦୃଷ୍ଟିରେ ରଖି ବିଦେଶୀ ରେଡିଓ ସଂସ୍ଥାଙ୍କ ଅଂଶଗ୍ରହଣ ପାଇଁ ସ୍ଥଗିତ ରଖିଛି ଆୟୋଜିତ ସଂସ୍ଥା ।
