ବାଲେଶ୍ୱର ( ଏଟିଆର ବ୍ୟୁରୋ): ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ଏବେ ସବୁ ନେତା ଉପକୂଳ ଓଡିଶା ମୁହାଁ । ଗତକାଲି ବାଲେଶ୍ୱରରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ପ୍ରଚାର କରିଥିବା ବେଳେ ଆଜି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବାଲେଶ୍ୱରରେ ନିର୍ବାଚନ ପ୍ରଚାର କରିଛନ୍ତି । ଏହି ଦୌଡରେ କଂଗ୍ରେସ ମଧ୍ୟ ପଛରେ ପଡିନାହିଁ । ଆସନ୍ତାକାଲି କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧୀ ଓଡିଶା ଗସ୍ତରେ ଆସୁଛନ୍ତି ।
ସେ ବାଲେଶ୍ୱର , ରେମୁଣା ଓ ନରସିଂହପୁରରେ ନିର୍ବାଚନୀ ସଭାରେ ଯୋଗଦେବାର କାର୍ଯ୍ୟକ୍ରମ ରହିଛି । ସେହିଭଳି ରାହୁଲ ନିର୍ବାଚନୀ ସଭା କରିବା ସମେତ ଭୋଟରଙ୍କ ନିକଟତର ହେବା ପାଇଁ ରୋଡ ମଧ୍ୟ କରିବାର କାର୍ଯ୍ୟକ୍ରମ ରହିଛି । ସେ ଜଳେଶ୍ୱର ଓ କୋରେଇରେ ରୋଡ ସୋ କରିବେ । ଆସନ୍ତାକାଲି ରାହୁଳ ଓଡିଶା ଗସ୍ତରେ ଆସି କାହାକୁ ଟାର୍ଗେଟ କରୁଛନ୍ତି ତାହା ଦେଖିବାକୁ ବାକିଅଛି । ଅନ୍ୟପଟେ ରାଜ୍ୟରେ ବିଜେପି ଓ ବିଜେଡି କଥା କଟା କଟି ହେଉଥିବା ବେଳେ କାଲି ରାହୁଳ କାହା ପ୍ରତି ଗରମ ଆଉ କାହା ପ୍ରତି ନରମ ହେବେ ତାକୁ ନେଇ କର୍ମୀଙ୍କ ମହଲରେ ଚର୍ଚ୍ଚା ଚାଲିଛି ।
