ମୁମ୍ବାଇ(ଏଟିଆର ବ୍ୟୁରୋ):ଋଷିକପୁର ଓ ଋଣଧୀର କପୁରଙ୍କ ସାନ ଭାଇ ରାଜୀବ କପୁରଙ୍କ ପରଲୋକ ଘଟିଛି । ମୃତ୍ୟୁବେଳକୁ ତାଙ୍କୁ ୫୮ ବର୍ଷ ବୟସ ହୋଇଥିଲା । ହଠାତ ତାଙ୍କ ଛାତିରେ ଯନ୍ତ୍ରଣା ଅନୁଭବ ହେବାରୁ ତାଙ୍କୁ ଚେମ୍ବୁରର ଇନଲାକ୍ସ ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ ।
ରାଜୀବ କପୁର ବଲିଉଡରେ ଅଭିନେତା, ପ୍ରଯୋଜକ ଏବଂ ନିର୍ଦ୍ଦେଶକ ଭାବେ କାମ କରିଛନ୍ତି । ୧୯୮୩ ମସିହାରେ ଫିଲ୍ମ ‘ଏକ ଜାନ’ୁ ରୁ ସେ ଅଭିନୟ ଜଗତରେ ପାଦ ଦେଇଥିଲେ । ଏହି ଫିଲ୍ମ ରାଜୀବଙ୍କ କ୍ୟାରିୟରେ ଏକ ପ୍ଲସ୍ ପଏଣ୍ଟ ଭାବେ ଗଣଯାଏ । ଏହାପରେ ଫିଲ୍ମ ଆସମାନ, ଲବର ବୟ, ଜବରଦସ୍ତ ଏବଂ ହମ ଚଲେ ପରଦେଶରେ ତାଙ୍କ ଭୂମିକା ଖୁବ୍ ଚର୍ଚ୍ଚାକୁ ଆସିଥିଲା ।
ଗତବର୍ଷ କ୍ୟାନସର ରୋଗରେ ପୀଡିତ ଥିବା ଋିଷି କପୁରଙ୍କ ଦେହାନ୍ତ ହୋଇଥିଲା । ପରିବାରରେ ଗୋଟିଏ ଦୁଃଖର କଳାବାଦଲ ସରିନଥିବା ବେଳେ ଆଉ ଏକ ଦଃୁଖ ମାଡି ଆସିଛି । ପରିବାରରେ ସବୁଠୁ ବଡ ଥିଲେ ରାଜୀବ କପୁର ।
