ରମ୍ଭା,(ଏଟିଆର ବ୍ୟୁରୋ): ରାତି ଅଧରେ ଚାଲାଣ ହେଉଥିବା ଏକ ଗୋରୁ ବୋଝେଇ ଟ୍ରକକୁ ଜବତ କରିଛି ରମ୍ଭା ଥାନା ପୁଲିସ । ୯ଟି ଗାଇଙ୍କୁ ଉଦ୍ଧାର କରିବା ସହ ଘଟଣାରେ ସମ୍ପୃକ୍ତ ୩ଜଣ ଅଭିଯୁକ୍ତକୁ ପୁଲିସ ଗିରଫ କରିଛି । ରମ୍ଭା ପୁଲିସର ଏଭଳି ଏକ ପ୍ରୟାସକୁ ଏବେ ସ୍ୱାଗତ କରିଛନ୍ତି ସ୍ଥାନୀୟ ଲୋକ ।
ଢ଼େରଦିନ ହେବ ଏହି ଗୋରୁ ଚୋରା ଚାଲାଣ ହୋଇ ଆସୁଥିବା ନେଇ ଥାନାରେ ଅଭିଯୋଗ ହୋଇଥିଲା । ସେବେଠୁ ପୂରା ଘଟଣା ଉପରେ ନଜର ରଖିଥିଲା ପୁଲିସ । ଗତକାଲି ଏନେଇ ପକ୍କା ଖବର ମିଳିବା ପରେ ଅଭିଯୁକ୍ତଙ୍କୁ ଧରିବା ଲାଗି ଜାଲ ବିଛାଇଥିଲେ ଖୋଦ ରମ୍ଭା ଥାନା ଅଧିକାରୀ । ତେବେ ଗିରଫ ଅଭିଯୁକ୍ତମାନେ କେବେଠୁ ଏହି ଧନ୍ଦା କରୁଛନ୍ତି ସେନେଇ ଅଧିକ ଖୋଳତାଡ ଚଳାଇଛି ପୁଲିସ । ଏହାସହ ଏହି ଘଟଣା ପଛରେ ଆଉ କେଉଁମାନେ ଜଡିତ ରହିଛନ୍ତି ତାହାର ମଧ୍ୟ ପୂରା ବାୟୋଡାଟା ଉଣ୍ଡାଳୁଛି ପୁଲିସ ।
ସୂଚନାଯୋଗ୍ୟ, ରାଜ୍ୟରେ ଏବେ ବଢ଼ି ଚାଲିଛି ଚୋରା ଗାରୁ ଚାଲାଣ । ଦୈନିକ କେଉଁଠି ନା କେଉଁଠି ଏଭଳି ଘଟଣା ସାମ୍ନାକୁ ଆସୁଛି । ତେବେ ରମ୍ଭା ପୁଲିସର ଏଭଳି ଅପରେସନ ଅନ୍ୟ ଥାନା ଅଧିକାରୀମାନେ ଆରମ୍ଭ କଲେ ହୁଏତ ଏହି କାରବାର ଉପରେ ରୋକ ଲାଗି ପାରିବ ବୋଲି ମତ ପ୍ରକାଶ ପାଇଛି ।
