ବ୍ରହ୍ମଗିରି ( ଏଟିଆର ବ୍ୟୁରୋ): ଦୁଇଟି ବାଇକକୁ ଧକ୍କା ଦେଇ ଗୋଟେ ଯାତ୍ରୀବାହି ବସ ଗଛକୁ ଧକ୍କା ଦେଇଛି । ଘଟଣା ସ୍ଥଳରେ ତିନି ଜଣ ଗୁରୁତର ଆହତ ହୋଇଛନ୍ତି । ଏମିତି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ପୁରୀ ସାତପଡା ଜାତୀୟ ରାଜୁ ପଥରେ । ସୂଚନା ଅନୁସାରେ ଆଜି ସକାଳେ ପୁରୀ ପଟୁ ଆସୁଥିବା ଦୁଇଟି ବାଇକକୁ ଦେବୀ ନାମକ ଏକ ଯାତ୍ରୀ ବସ ରେବଣା ନୂଆ ଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ସାମ୍ନାରେ ଧକ୍କା ଦେଇଥିଲା । ବାଇକକୁ ଧକ୍କା ଦେବା ପେର ବସଟି ନିଜେ ଭାରସ୍ୟାମ ହରାଇ ପାଖରେ ଥିବା ଏକ ଗଛରେ ପିଟି ହୋଇ ଯାଇଥିଲା ।
ଏହି ସମୟରେ ବସରେ ପାଖାପାଖି ୨୦ ଜଣ ଯାତ୍ରୀ ଥିବା ସୂଚନା ମିଳିଛି । ବସରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ଜଣା ପଡିିଛି । ମାତ୍ର ବାଇକରେ ଥିବା ୩ ଜଣ ଆରୋହୀ ଗୁରୁତର ହୋଇଛନ୍ତି । ଗୁରୁତର ଆହତ ମାନେ ହେଲେ ସିମନ୍ତ ପାଣିଗ୍ରାହୀ ଓ ସମିର ଜେନା। ମାତ୍ର ଜଣଙ୍କର ପରିଚୟ ଏଯାବତ ମିଳିପାରି ନାହିଁ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
