ଜଗତସିଂହପୁର ( ଏଟିଆର ବ୍ୟୁରୋ): ଟ୍ୟୁସନ ଯାଉଥିବା ବେଳେ ୩ ଜଣ ଛାତ୍ରଙ୍କୁ ଧକ୍କା ଦେଲା ଏକ ହାଇୱା ଟ୍ରକ । ପାରାଦୀପ ଫୁଲବେଲାରୀ ନିକଟରେ ଆଜି ସକାଳେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ଖବର ମୁତାବକ ଆଜି ସକାଳେ ଏହି ଅଞ୍ଚଳର ୩ ଜଣ ଛାତ୍ର ଏକତ୍ର ସାଥି ହୋଇ ପାରାଦୀପ ରାସ୍ତାରେ ଟ୍ୟୁସନକୁ ଯାଉଥିବା ବେଳେ କଟକ ପାରାଦୀପ ରାସ୍ତାରେ ଆସୁଥିବା ଏକ ଦୃତଗାମୀ ହାଇୱା ଟ୍ରକ ପିଲାମାନଙ୍କୁ ଧକ୍କା ଦେଇଥିଲା ।
ତେବେ ଏଥିରେ ଜଣେ ଛାତ୍ରଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଆଉ ଦୁଇ ଜଣ ଛାତ୍ରଙ୍କର ଅବସ୍ଥା ଗୁରୁତର ହୋଇଛି । ଗୁରୁତର ୨ ଛାତ୍ରଙ୍କୁ କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କାଯାଇଛି । ଦୁର୍ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ମୃତକ ଓ ଆହତଙ୍କ ପରିବାରକୁ କ୍ଷତି ପୂରଣ ଦାବି କରି ସ୍ଥାନୀୟ ଲୋକେ ରାଜପଥ ଅବରୋଧ କରିଛନ୍ତି ।
