ସମ୍ବଲପୁର ( ଏଟିଆର ବ୍ୟୁରୋ): ଟ୍ରକକୁ ଟ୍ୟାଙ୍କର ଧକ୍କା ଦେବାରୁ ଜୀବନ୍ତ ଦୁଇଜଣ ଜଳି ଯାଇଛନ୍ତି । ଏମିତି ଏକ ଅଭାବନୀୟ ଘଟଣା ଘଟିଛି ସମ୍ବଲପୁର ଜିଲ୍ଲାରେ । ଫଳରେ ଟ୍ରକରେ ଥିବା ଚାଳକଙ୍କ ସମେତ ହେଲପରଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି । ସୂଚନା ଅନୁସାରେ ଆଜି ଭୋର ୪ ଟା ବେଳେ ୫୫ ନଂ ଜାତୀୟ ରାଜପଥ ଉପରେ ଏହି ମର୍ମନ୍ତୁଦ ସଡକ ଦୁର୍ଘଟଣା ହୋଇଛି । ସମ୍ବଲପୁରରୁ କଟକ ଆସୁଥିବା ଏକ ଗ୍ୟାସ ବୋଝେଇ ଟ୍ୟାଙ୍କର ବିପରୀତ ଦିଗରୁ ଆସୁଥିବା ଏକ ଟ୍ରକକୁ ସାମ୍ନାସାମ୍ନି ଧକ୍କା ଦେଇଥିଲା ।
ଯାହା ଫଳରେ ଘଟଣା ସ୍ଥଳରେ ତେଲ ବୋଝେଇ ଟ୍ୟାଙ୍କରରେ ଅଗ୍ନିକାଣ୍ଡ ହୋଇଥିଲା । ଏହି ଅଗ୍ନିକାଣ୍ଡରେ ଦୁଇ ଜଣ ଘଟଣା ଦଗ୍ଧ ହୋଇଛନ୍ତି । ଅଗ୍ନିକାଣ୍ଡରେ ଗ୍ୟାସ ବୋଝେଇ ଟ୍ୟାଙ୍କରଟି ସମ୍ପୂର୍ଣ୍ଣ ଜଳି ଯାଇଥିବା ବେଳେ ଟ୍ରକଟିର କ୍ୟାବିନ ଜଳି ଯାଇଛି । ଖବର ପାଇ ଘଟଣା ସ୍ଥଳରେ ଦମକଳ ବାହୀନି ପହଞ୍ଚି ନିଆଁକୁ ଆୟତ୍ତ କରିଥିଲା । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
