ଭୁବନେଶ୍ୱର(ଏଟିଆର ବ୍ୟୁରୋ):ଆଜିଠୁ ଦୁଇ ଦିନିଆ ଓଡିଶା ଗସ୍ତରେ ଆସୁଛନ୍ତି ରାଜ୍ୟ ସଭା ଏମପି ରୂପା ଗାଙ୍ଗୁଲୀ । ଆଜି ସକାଳେ ୧୦ଟାରେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚି ହେଲିକାପ୍ଟର ଯୋଗେ ସେ ନବରଙ୍ଗପୁର ଜିଲ୍ଲା ରାଇଘର ଗସ୍ତ କରିଛନ୍ତି । ରାଇଘର ମିନି ଷ୍ଟାଡିୟମରେ ପହଞ୍ଚି ସେଠାରେ ନାଗରିକତ୍ୱ ସଂଶୋଧନ ଆଇନ ସର୍ମ୍ପକରେ ସାଧାରଣ ସଭାରେ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି । ସେହିପରି ଆସନ୍ତା କାଲି ରୂପା ମାଲକାନଗିରି ଗସ୍ତ କରି ସେଠାରେ ସିଏଏ ସମ୍ପର୍କରେ ଲୋକ ମାନଙ୍କୁ ସଚେତନତା କରାଇବାର କାର୍ଯ୍ୟକ୍ରମ ରହିଛି । ଏହା ସହ ଜୟପୁର ଠାରେ ସିଏଏକୁ ନେଇ ରୂପା ସଧାରଣ ଜନତାଙ୍କୁ ଅବଗତ କାରାଇବାର କାର୍ଯ୍ୟକ୍ରମ ରହିଛି ।
ସିଏଏ ସପକ୍ଷରେ ଲୋକ ମାନଙ୍କୁ ସଚେତନତା କରାଇବା ଲାଗି ବିଜେପି ପକ୍ଷରୁ ସଚେତନତା କାର୍ଯ୍ୟକ୍ରମ କରାଯାଉଛି । ବିଜେପି କର୍ମୀ ମାନେ ଓଡିଶାର ୧ କୋଟି ପରିବାର ପାଖକୁ ଯାଇ ଏହି ସଚେତନତା କାର୍ଯ୍ୟ କରିବେ ବୋଲି ସୂଚନା ରହିଛି । ପୂର୍ବ ରୁ ଏହି ସଚେତନତା କାର୍ଯ୍ୟକ୍ରମ ବିଜେପି ପକ୍ଷରୁ କିଛି ଜିଲ୍ଲାରେ କରାଯାଇଛି ।
