ମୁମ୍ବାଇ(ଏଟିଆର ବ୍ୟୁରୋ):ପୁଣି ଥରେ କରୋନା ସଂକ୍ରମଣ ଦିନକୁ ଦିନ ବଢିବାରେ ଲାଗିଛି । ବଲିଉଡ ଅଭିନେତା ରଣବୀର କପୁର କରୋନା ସଂକ୍ରମଣରେ ସଂକ୍ରମିତ ହେବା ପରେ ଏବେ ଫିଲ୍ମ ନିର୍ମାତା ସଞ୍ଜୟ ଲୀଳା ଭନସାଲି କରୋନାର ଶିକାର ହୋଇଛନ୍ତି ।
ସଞ୍ଜୟ କରୋନା ଟେଷ୍ଟ କରିବା ପରେ ତାଙ୍କ ରିପୋର୍ଟ ପଜିଟିଭ ଆସିବା ପରେ ସେ ବର୍ତ୍ତମାନ କ୍ୱାରେଣ୍ଟାଇନରେ ଅଛନ୍ତି । ଡାକ୍ତରଙ୍କ ପରାମର୍ଶ କ୍ରମେ ତାଙ୍କର ଚିକିତ୍ସା ଚାଲିଛି । ସେ ଗଙ୍ଗୁବାଈ କାଠିଆୱାଡି ଫିଲ୍ମ ଶୁଟିଂରେ ବ୍ୟସ୍ତ ଥିଲେ । କିନ୍ତୁ ଏବେ ଭଂସାଲି କରୋନା ଆକ୍ରାନ୍ତ ହେବା ପରେ ଆଲିଆ ଭଟ୍ଟଙ୍କ ଅପକମିଂ ଫିଲ୍ମ ‘ଗଙ୍ଗୁ ବାଇ କାଠିଆବାଡି’ ଶୁଟିଂ ବନ୍ଦ କରିବାକୁ ପଡିଛି। ତେବେ ଏହି ଫିଲ୍ମ ଶୁଟିଂ ହେବା ନେଇ ଆଶଙ୍କା ସୃଷ୍ଟି ହୋଇଛି ।
