ବୈାଦ୍ଧ (ଏଟିଆର ବ୍ୟୁରୋ); ଜ୍ୱାଇଁକୁ ନିଜର ପୁଅ ଭଳି ମନେ କରିଥାନ୍ତି ଶ୍ୱଶୂର । ପୁଅ ଠାରୁ ବି ଅଧିକ ଭଲ ପାଇଥାନ୍ତି ଶ୍ୱଶୂର ଘର ଲୋକ । କଥାରେ ଅଛି ଜ୍ୱାଇଁ କୁଣିଆ ଠାରୁ ବଡ ସମ୍ମାନ ଆଉ କେଉଁଠି ମିଳିବନି । ଏତେ ସମ୍ମାନ ଦେଲା ପରେ ମଧ୍ୟ ଯଦି ଜ୍ୱାଇଁ ବଇରୀ ସାଜିବ ସେ କଥା କେହି ବି ଭାବି ପାରିବେନି । ମାତ୍ର ଏଭଳି ଘଟଣା ଘଟିଥିବା ନଜରକୁ ଆସିଛି । ତେବେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବୈାଦ୍ଧ ଜିଲ୍ଲା ସଦର ଥାନା ଅନ୍ତର୍ଗତ ସଦରବା ଗାଁରେ ।
ମିଳିଥିବା ସୂଚନା ମୁତାବକ ବିଲରେ କାମ କରୁଥିବା ସମୟରେ କୈାଣସି କାରଣରୁ ଶ୍ୱଶୂର ଜ୍ୱାଇଁଙ୍କ ମଧ୍ୟରେ ବଚସା ଝଗଡା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ନୃଂଶସ ହୋଇଯାଇଥିଲା ଜ୍ୱାଇଁ । ମୁଣ୍ଡକୁ ପିତ ଚଢ଼ି ଯାଇଥିଲା । ଶେଷରେ ସମ୍ପର୍କ ନଦେଖି ଟାଙ୍ଗିଆରେ ହାଣି ପକେଇଥିଲା ନିଜ ଶ୍ୱଶୂରକୁ । ଟାଙ୍ଗିଆ ଚୋଟ ଜୋରରେ ବାଜିଥିବାରୁ ଘଟଣାସ୍ଥଳରେ ମୃତ୍ୟୁ ହୋଇଛି । ମାରିବା ପରେ ଫେରାର ହେବା ପାଇଁ ଚେଷ୍ଟା କରୁଥିବା ବେଳେ ସ୍ଥାନୀୟ ଲୋକ ଜ୍ୱାଇଁକୁ ଧରି ପୋଲିସ ଜିମା ଦେଇଛନ୍ତି ।
