ଭୁବନେଶ୍ୱର (ଏଟିଆର ବ୍ୟୁରୋ): ଆଜି ସଂନ୍ଧ୍ୟାରେ ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ ବସିବାକୁ ଯାଉଛି । ମହାମାରୀ କରୋନା ପାଇଁ ମନ୍ତ୍ରୀମାନେ ବିଭିନ୍ନ ଜିଲ୍ଲାରେ ରହି କାର୍ଯ୍ୟ କରୁଥିବାରୁ ବୈଠକଟିକୁ ଭିଡିଓ କନଫରେନ୍ସିଂ ମାଧ୍ୟମରେ କରାଯିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନବୀନ ନିବାସରୁ ଭିଡିଓ କମଫରେନ୍ସିଂ ମାଧ୍ୟମରେ ଏହି ବୈଠକରେ ଯୋଗ ଦେବେ । ମୁଖ୍ୟମନ୍ତ୍ରୀ ବୈଠକର ଅଧ୍ୟକ୍ଷତା କରିବାକୁ ଥିବା ବେଳେ ଏହି ବୈଠକଟି ଅପରାହ୍ନ ସାଢେ ୫ଟା ସମୟରେ ଅନୁଷ୍ଠିତ ହେବ ।
ତେବେ ଏହି ବୈଠକରେ ମୋଟ ୧୮ଟି ବିଷୟ ଉପରେ ଆଲୋଚନା ହେବାକୁ ଥିବା ବେଳେ ମୁଖ୍ୟତଃ ସ୍ୱାସ୍ଥ୍ୟ ବିଭାଗ ମୁଖ୍ୟ ଫୋକସରେ ରହିବ । ଏହା ବ୍ୟତୀତ ପାନୀୟ ଜଳ ପ୍ରକଳ୍ପ ପ୍ରସ୍ତାବ, ପର୍ଯ୍ୟଟନ ଓ ଶ୍ରମ ବିଭାଗର କେତେକ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ ଆଲୋଚନା ହେବାର ସୂଚନା ମିଳୁଛି । ପରିବାର କଲ୍ୟାଣ, ଅର୍ଥ, ଏମଏସଏମଇ, ଗୃହ ବିଭାଗ ଆଦିର ମୋଟ ୧୮ଟି ଏଜେଣ୍ଡା ଉପରେ ଆଲୋଚନା କରାଯିବ ।
