ଭୁବନେଶ୍ୱର (ଏଟିଆର ବ୍ୟୁରୋ); ଉଦଘାଟିତ ହୋଇ ଯାଇଛି ରାଜ୍ୟସ୍ତରିୟ ପୁଷ୍ପ ପ୍ରଦର୍ଶନୀ । ସ୍ଥାନୀୟ ଏକାମ୍ର ପାର୍କରେ ଆରମ୍ଭ ହୋଇଛି ଏହି ପ୍ରଦର୍ଶନୀ । ଦୁଇ ଦିନିଆ ଏହି ପୁଷ୍ପ ପ୍ରଦର୍ଶନୀକୁ ଉଦଘାଟନ କରିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ । ଏହି ଉଦଘାଟନୀ ଉତ୍ସବରେ ଆୟୋଜକ କମିଟି ସଦସ୍ୟ ଏବଂ ସାଧାରଣ ଲୋକ ଉପସ୍ଥିତ ରହି ଏହାକୁ ସାଫଲ୍ୟ ମଣ୍ଡିତ କରିଥିଲେ ।
ଫୁଲ ପ୍ରେମୀମାନେ ଚାହିଁ ବସିଥାନ୍ତି କେବେ ଆସିବ ଏହି ପ୍ରଦର୍ଶନୀ । ତେବେ ସେମାନଙ୍କ ଅପେକ୍ଷାର ଅନ୍ତ ଘଟିଛି । ଚଳିତ ବର୍ଷ ଏକାମ୍ର ପାର୍କରେ ଏହା ଦୁଇ ଦିନ ଧରି ଚାଲିବ । ଏଠାରେ ସବୁ ବର୍ଷ ଏହି ପ୍ରଦର୍ଶନୀ ହୋଇଥାଏ । ଯାହାକୁ ଦେଖିବା ପାଇଁ ହଜାର ହଜାର ଫୁଲପ୍ରେମୀଙ୍କ ଭିଡ ଜମିଥାଏ । ତେବେ ଚଳିତ ବର୍ଷ ଏଠାରେ ୫ ଶହ କିସମର ଫୁଲ ସ୍ଥାନ ପାଇଛି । ସକାଳ ୮ଟାରୁ ସଂନ୍ଧ୍ୟା ୭ଟା ପର୍ଯ୍ୟନ୍ତ ଜନ ସାଧାରଣଙ୍କ ପାଇଁ ଖୋଲା ରହିବ ଏହି ଉଦ୍ୟାନ ।
