ବଲାଙ୍ଗୀର ( ଏଟରିଆର ବ୍ୟୁରୋ): ରୋଷେଇ କରୁଥିବା ବେଳେ ଷ୍ଟୋଭ ଫାଟିବାରୁ ୪ ଜଣ ଗୁରୁତର ଆହତ ହୋଇଛନ୍ତି । ଏମିତି ଏକ ଦୁର୍ଘଟଣା ଘଟିଛି ବଲାଙ୍ଗୀର ଜିଲ୍ଲା ପାଟଣାଗଡ଼ ଥାନା ଅନ୍ତର୍ଗତ କଲେଜ ଛକ ନିକଟରେ । ଖବର ମୁତାବକ ଗତକାଲି ସନ୍ଧ୍ୟାରେ ପରିବାରର ରୋଷେଇ ହେଉଥିବା ବେଳେ ହଠାତ ଷ୍ଟୋଭଟି ଫାଟି ଯାଇଥିଲା । ପରିବାରର ମହିଳା ପଦ୍ମା ରୋଷେଇ କରୁଥିବା ବେଳେ ତାଙ୍କ ପାଖରେ ପରିବାରର ଆଉ ୩ ଜଣ ଉପସ୍ଥିତ ରହିଥିଲେ ।
ରୋଷେଇ ଚାଲୁଥିବା ବେଳେ ହଠାତ ଷ୍ଟୋଭଟି ଫାଟି ଯାଇଥିଲା । ଫଳରେ ତତଲା ତେଲ ଛିଟିକି ୪ ଜଣ ଆହତ ହୋଇଛନ୍ତି । ଗୁରୁତରମାନେ ହେଲେ ଭୈରବ ସାତକୁରିଆ, ପତ୍ନୀ ପଦ୍ମା ସାତକୁରିଆ, ଝିଅ ଦିବ୍ୟା ସାତକୁରିଆ ଓ ପୁଅ ଆୟୁସ ସାତକରିଆ
। ଆହତ ଅବସ୍ଥାରେ ପ୍ରଥମେ ସେମାନଙ୍କୁ ପାଟଣାଗଡ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଅବସ୍ଥା ଗୁରୁତର ହେବାରୁ ବଲାଙ୍ଗୀର ମେଡିକାଲକୁ ସ୍ଥାନାନ୍ତରିତ କରାଯାଇଛି । ସେଠାରେ ମଧ୍ୟ ଏବେବି ସେମାନଙ୍କ ସ୍ୱାସ୍ଥ୍ୟବସ୍ଥା ଗୁରୁତର ରହିଥିବା ସୂଚନା ମଳିଛି ।ପଦ୍ମା ଓ ତାଙ୍କ ପୁଅ ଆଇସିୟୁରେ ରହିଛନ୍ତି । ତେବେ ଷ୍ଟୋଭରେ ଅଧିକ ପମ୍ଫ ଦେଇଥିବାରୁ ଷ୍ଟୋଭଟି ଫାଟି ଯାଇଥିବା ଅନୁମାନ କରାଯାଉଛି ।
