ନୂଆଦିଲ୍ଲୀ(ଏଟିଆର ବ୍ୟୁରୋ):ବଲିଉଡ ଓ ଟଲିଉଡ ସୁପରଷ୍ଟାର ରଜନୀକାନ୍ତ ଆଜି ତାଙ୍କ ୭୦ତମ ଜନ୍ମଦିନ ପାଳନ କରିଛନ୍ତି । ରଜନୀକାନ୍ତ ତାଙ୍କ ଷ୍ଟାଇଲ ଓ ଅଭିନୟରେ ଦର୍ଶକମାନଙ୍କ ହୃଦୟରେ ନିଜର ଜାଗା ସୃଷ୍ଟି କରିଛନ୍ତି ।
ଗରିବ ପରିବାରରେ ଜନ୍ମ ହୋଇଥିବା ରଜନୀକାନ୍ତ କେବଳ ବଲିଉଡରେ ନୁହେଁ ବରଂ ଟଲିଲଡରେ ମଧ୍ୟ ନିଜର ପରିଶ୍ରମ ଯୋଗୁଁ ଅନେକ ନାମ ଅର୍ଜନ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମେତ କେତେକ ଷ୍ଟାର ରଜନୀକାନ୍ତଙ୍କୁ ଶୁଭକାମନା ଜଣାଇଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରଜନୀକାନ୍ତଙ୍କୁ ୱିଶ କରି କହିଛନ୍ତି -ପ୍ରିୟର ରକନୀକାନ୍ତ ମହାଶୟ , ଆପଣଙ୍କୁ ଜନ୍ମଦିନର ଅନେକ ଅନେକ ଶୁଭେଚ୍ଛା ଓ ଶୁଭକାମନା । ଭଗବାନ କରନ୍ତୁ ଆପଣ ସବୁବେଳେ ସୁସ୍ଥ ରୁହନ୍ତୁ ଏବଂ ଦୀର୍ଘାୟୁ ହୁଅନ୍ତୁ ।
୭୦ ବର୍ଷ ବୟସରେ ମଧ୍ୟ ସେ ଫିଲ୍ମରେ ସକ୍ରିୟ ଅଛନ୍ତି ଏବଂ ବ୍ଲକବଷ୍ଟର ଫିଲ୍ମ ଦେଉଛନ୍ତି । ତାଙ୍କର କିଛି ସୁପରହିଟ ଫିଲ୍ମ ମଧ୍ୟରେ କୱାଲି , ଲିଙ୍ଗା , ୨.୦ ପେଟା , ଖୁନ କା କର୍ଜ , ଅନ୍ଧା କାନୁନ, ଭଗବାନ ଦାଦା, ଏବଂ ଦରବାର ଭଳି ରହିଛି । ତାଙ୍କୁ ସରକାରଙ୍କ ଦ୍ୱାରା ପଦ୍ମ ଭୂଷଣ ଏବଂ ବିଭୂଷଣ ଭଳି ସମ୍ମାନରେ ସମ୍ମାନିତ କରାଯାଇଛି ।
