ମୁମ୍ବାଇ(ଏଟିଆର ବ୍ୟୁରୋ): ଆସନ୍ତାକାଲି ପରଦାକୁ ଆସୁଛି ୨ ଦୁଇଟି ବଲିଉଡ ଫିଲ୍ମ ଛପାକ ଓ ତାନାଜୀ । ଯାହାକୁ ନେଇ ଏବେ ସିନେ ପ୍ରେମିଙ୍କ ମଧ୍ୟରେ ଉତକଣ୍ଠା ଦେଖିବାକୁ ମିଳିଛି । ଛାପାକକୁ ନେଇ ଦର୍ଶକ ଅଧିକ ଉତ୍ସାହିତ ଥିବା ବେଳେ ତାନାଜୀ ମଧ୍ୟ ଧମାଲ କରିବ ବୋଲି ଆସା କରାଯାଉଛି । ତେବେ ୨ ଟି ଯାକ ଘଟଣା ସତ୍ୟ କାହାଣୀକୁ ଆଧାରିତ ।
ଛପାକ ସିନେମା ଲକ୍ଷ୍ମୀ ଅଗ୍ରୱାଲଙ୍କ ଏସିଡି ଆଟାକ କାହାଣୀକୁ ନେଇ ହୋଇଥିବା ବେଳେ ତାନାଜୀ ମରାଠା ସାମ୍ରାଜ୍ୟର ମହାନ ଯୋଦ୍ଧା ତାନାଜୀ ମାଲସାରେଙ୍କ ଜୀବନ କାହାଣୀକୁ ନେଇ ନିର୍ମାଣ କରାଯାଇଛି । ଛପାକରେ ଦୀପିକା ପାଦୁକୋନ ନଜର ଆସୁଥିବା ବେଳେ ତାନାଜୀରେ ସିଂହମ ଅଜୟ ଦେବଗନ ଓ କାେଜୋଲ ଦେବଗନ ନଜର ଆସିବେ । ଦୁଇଟି ଯାକ ସିନେମାର ଟ୍ରେଲରକୁ ଶୋସାଲ ମିଡିଆରେ ୟୁଜର୍ସ ଭଲ ରେସପନସ ଦେଇଛନ୍ତି । ତେବେ ଆସନ୍ତାକାଲି ୨ ଟି ଯାକ ଫିଲ୍ମ ଏକତ୍ର ରିଲିଜ ହେଉଥିବାରୁ ଦର୍ଶକ କାହାକୁ ଅଧିକ ପସନ୍ଦ କରିବେ ତାହା କାଲି ହିଁ ଜଣା ପଡିଯିବ ।
