ଭୁବନେଶ୍ୱର (ଏଟିଆର ବ୍ୟୁରୋ): ସୁପ୍ରିମକୋର୍ଟ ମୁଖ୍ୟ ବିଚାରପତି ଜଷ୍ଟିସ ନୁଥାଲଟି ଭେଙ୍କେଟ ରମନ୍ନା ଆଜି ଓଡିଶା ଗସ୍ତରେ ଆସୁଛନ୍ତି । ତାଙ୍କ ଗସ୍ତ ସୂଚୀ ଅନୁଯାୟୀ ଆଜି ଅର୍ଥାତ ୨୪ ତାରିଖ ସନ୍ଧ୍ୟା ୭ ଟା ୫୫ ରେ ସେ ଭୁବନେଶ୍ୱର ବିମାନ ବନ୍ଦରରେ ପହଁଚିବେ । ଏହାପରେ ସେ ସନ୍ଧ୍ୟା ୮ ଟା ୧୫ ରେ ଭୁବନେଶ୍ୱରୁ ପୁରୀ ଅଭିମୁଖେ ଯାତ୍ରା କରିବେ । ରାତି ୯ଟା ୨୦ ରେ ପହଁଚି ପୁରୀର ହୋଟେଲ ମେ’ ଫେୟାରରେ ରାତ୍ରି ଭୋଜନ ଏବଂ ରାତ୍ରି ଯାପନ କରିବେ ।
ଏହାପରେ ୨୫ ତାରିଖ ସକାଳ ୭ଟାରେ ଶ୍ରୀମନ୍ଦିରରେ କାଳିଆକୁ ଦର୍ଶନ କରି ମେ’ ଫେୟାର ହୋଟେଲକୁ ଫେରି ସେଠି ଜଳଖିଆ ସାରି କଟକ ଅଭିମୁଖେ ରୋଡ ଯୋଗେ ବାହାରିବେ । ସେପଟେ ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
