ଖୋର୍ଦ୍ଧା (ଏଟିଆର ବ୍ୟୁରୋ) : ଖୋର୍ଦ୍ଧା ଗୁରୁଜଙ୍ଗରେ ବୋମାମାଡ ହୋଇଛି । ଗୁରୁଜଙ୍ଗର ୧୮ ନମ୍ବର ୱାର୍ଡରେ ବୋମାମାଡ ହୋଇଥିବା ଜଣାପଡିଛି । ଗତକାଲି ଏହି ବୋମାମାଡ ହୋଇଥିବା ଟାଉନ ଥାନାରେ ଅଭିଯୋଗ ହୋଇଛି ।
ମିଳିଥିବା ସୂଚନା ଅନୁସାରେ, ଟାଉନଥାନା ଅଧିନ ୧୮ନମ୍ବର ୱାର୍ଡର ପ୍ରକାଶ ରାଉତରାୟଙ୍କ ଘର ଉପରକୁ ଗତକାଲି ତିନିଟି ବୋମାମାଡ ହୋଇଛି । ୪ଜଣ ଦୁର୍ବୃତ୍ତ ବାଇକରେ ଆସି ବୋମା ଫିଙ୍ଗିଥିବା ଅଭିଯୋଗ କରିଛନ୍ତି ପ୍ରକାଶ । ତେବେ ପୂର୍ବ ଶତ୍ରୁତାକୁ ନେଇ ଏହି ବୋମାମାଡ ହୋଇଥିବା ଅନୁମାନ କରାଯାଉଛି । ସିସିଟିଭିରେ ବୋମାମାଡର ଫୁଟେଜ କଏଦ ହୋଇଥିବା ବେଳେ ପୁଲିସ ଏହାର ତଦନ୍ତ କରୁଛି ।
