ଖୋର୍ଦ୍ଧା ( ଏଟିଆର ବ୍ୟୁରୋ): ସତରେ ମୃତ୍ୟୁ ଏମିତ ବିି ଆସିପାରେ । କିଏ ଜାଣିଥିଲା ବାପା ଓ ୨ ପୁଅ ରାଜଧାନୀରୁ ଆଉ ଘରକୁ ଫେରିବେନି । ପୁରା ସଂସାର ଉଜୁଡି ଯିବ ବୋଲି । ଖୋର୍ଦ୍ଧାରେ ଏକ ସଡକ ଦୁର୍ଘଟଣାରେ ବାପା ଓ ଦୁଇ ପୁଅଙ୍କ ମୃତ୍ୟୁ ହୋଇଛି । ଯାହାକୁ ନେଇ ପୁରା ଅଞ୍ଚଳରେ ଶୋକର ଛାୟା ଖେଳି ଯାଇଛି । ଗତକାଲି ବିଳମ୍ଭିତ ରାତିରେ ଏକ ଟ୍ରକ ଧକ୍କାରେ ବାପା ଓ ଦୁଇ ପୁଅଙ୍କ ମୃତ୍ୟୁ ହୋଇଛି ।
ସୂଚନା ଅନୁସାରେ ଗତକାଲି ବିଳମ୍ଭିତ ରାତିରେ ଖୋର୍ଦ୍ଧା ମଳିପଡା ଅଞ୍ଚଳର ବାପା କୃଷ୍ଣ ପାତାଳ ସିଂ ଦୁଇ ପୁଅ ବିକ୍ରମ ପାତାଳ ସିଂ ଓ ସଂଜୟ ପାତାଳ ସିଂ ଭୁବନେଶ୍ୱରରୁ ରାତିରେ ଏକ ବାଇକ ଯୋଗେ ଘରକୁ ଫେରୁଥିଲେ, ୧୬ ନଂ ଜାତୀୟ ରାଜପଥରେ ତାଙ୍କୁ ଏକ ମିନି ଟ୍ରକ ଧକ୍କା ଦେଇଥିଲା । ଘଟଣାସ୍ଥଳରେ ବଡ ପୁଅର ମୃତ୍ୟୁ ହୋଇଥିବା ବେଳେ ଚିକିତ୍ସାଧିନ ଅବସ୍ଥାରେ ଖୋର୍ଦ୍ଧା ମେଡିକାଲରେ ବାପା ଓ ସାନ ପୁଅର ମୃତ୍ୟୁ ହୋଇଛି ।
ଘଟଣା ସ୍ଥଳରେ ଟାଉନ ଥାନା ପୋଲିସ ପହଞ୍ଚି ଶବ ଉଦ୍ଧାର କରିବା ସହ ମେଡିକାଲରୁ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ଘଟଣା ସ୍ଥଳରୁ ପୋଲିସ ଗାଡି ଜବତ କରିଥିବା ବେଳେ ଡ୍ରାଇଭର ଓ ହେଲପର ଫେରାର ହୋଇ ଯାଇଥିବା ଜଣା ପଡିଛି ।
