ଭୁବନେଶ୍ୱର ( ଏଟିଆର ବ୍ୟୁରୋ): ଯା’ ଦେବୀ ସର୍ବ ଭୂତେଷୁ ମାତୃ ରୂପେଣ ସଂସ୍ଥିତା, ନମସ୍ତସୈ ନମସ୍ତସୈ ମମୋ ନମଃ । ଧରାବତରଣ କରିଛନ୍ତି ମହିଷା ମର୍ଦ୍ଦିନୀ ମା ଦୁର୍ଗା । ଆଜି ମହାନବମୀରେ ମହାମାୟା ସିଦ୍ଧିଦାତ୍ରୀ ଭାବେ ପୂଜା ପାଉଛନ୍ତି । ଆଜି ସକାଳୁ ଦେବୀଙ୍କର ମହାସ୍ନାନ ପରେ ବିଭିନ୍ନ ରୀତିନୀତି ଆରମ୍ଭ ହୋଇଯାଇଛି । ପୂଜାଚ୍ଚର୍ଚ୍ଚନା ସହିତ ପାରମ୍ପାରିକ ବାଦ୍ୟରେ କମ୍ପୁଛି ଦେବୀ ପୀଠ ।
ଆଜି ସକାଳୁ ସକାଳୁ ଦେବୀ ପୀଠ ଓ ପୂଜା ମଣ୍ଡପରେ ଭିଡ ଆରମ୍ଭ ହୋଇଯାଇଛି ।
ଅନ୍ୟପଟେ ଆଜି ପୀଠେ ଦଶହରା ହୋଇଥିବାରୁ ଦେବୀ ମନ୍ଦିର ମାନଙ୍କରେ ଦଶହରା ପୂଜା ଅନୁଷ୍ଠିତ ହେଉଥିବା ବେଳେ ପୂଜା ମଣ୍ଡପରେ ସକାଳୁ ସକାଳୁ ନବମୀ ପୂଜା ଆରମ୍ଭ ହୋଇଛି । ଏହି ଅବସରରେ ରାଜଧାନୀ ଓ ସିଲିଭର ସିଟି କଟକରେ ଶ୍ରଦ୍ଧାଳୁଙ୍କ ଭିଡ ଲାଗିଛି । ରାଜଧାନୀରେ ଏବର୍ଷ ୧୭୨ଟି ଓ କଟକରେ ୧୬୨ ମଣ୍ଡପରେ ପୂଜା ପାଉଛନ୍ତି ମାଆ। ୩୦ରୁ ଅଧିକ ସ୍ଥାନରେ ସୁନା ଚାନ୍ଦିରେ ବି ଝଟକୁଛନ୍ତି ମା।
