ପୁରୀ(ଏଟିଆର ବ୍ୟୁରୋ): ଆଜି ପୁରୀ ସହରରେ ଲାଗୁ ହେବ ନାହିଁ ସଟ୍ ଡାଉନ୍ କଟକଣା । ଗତକାଲି ସହରରେ ୧୪୪ ଧାରା ଲାଗୁ ହୋଇଥିବା କାରଣରୁ ଆଜି ସଟ୍ ଡାଉନ୍ କଟକଣା ଲାଗୁ ହେବ ନାହିଁ । ପୁରୀ ମ୍ୟୁନିସିପାଲଟି ମଧ୍ୟରେ ଥିବା ସମସ୍ତ ଥାନା ଅଧିକାରୀଙ୍କୁ ଏନେଇ ନିର୍ଦ୍ଦେଶ ଦିଆଯାଇଛି । ତେବେ ପୁରୀ ଗ୍ରାମାଞ୍ଚଳରେ ସଟ୍ ଡାଉନ୍ କଟକଣା ଲାଗୁ ରହିବ ବୋଲି ଜଣାଯଡିଛି ।
ସୂଚନାଯୋଗ୍ୟ ରାଜ୍ୟ ସରକାର ଜୁନ ଶେଷ ପର୍ଯ୍ୟାନ୍ତ ସପ୍ତାହର ପ୍ରତି ଶନିବାର ଓ ରବିବାର ୧୧ ଜିଲ୍ଲାରେ ସଟ୍ ଡାଉନ୍ ରହିବ ବୋଲି କଟକଣା ଜାରି କରିଛନ୍ତି । କିନ୍ତୁ ସ୍ନାନ ପୂର୍ଣ୍ଣିମା ପାଇଁ ଗତ ୪ ତାରିଖରୁ ପୁରୀ ସହରରେ ୧୪୪ ଧାରା ଜାରି କରାଯାଇଥିଲା । ତେଣୁ ରାଜ୍ୟ ସରକାରଙ୍କ ଦ୍ୱାରା ଆଜି ପୁରୀ ସହରରେ ସଟ୍ ଡାଉନ୍ କଟକଣାକୁ କୋହଲ କରାଯାଇଛି । ଅନ୍ୟପଟେ ଆଜି ସକାଳୁ ଟୁଇନ ସିଟିରେ ସଟ୍ ଡାଉନ୍ ବେଳେ ପୋଲିସ ଚେକିଙ୍ଗ ଜୋରଦାର କରାଯାଇଛି । ବିନା କାରଣରେ ଘରୁ ବାହାରୁ ଥିବା ଲୋକ ମାନଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରୁଛି କମିଶନରୋଟ ପୋଲିସ ।
