କେନ୍ଦ୍ରାପଡା (ଏଟିଆର ବ୍ୟୁରୋ): ଘନ କୁହୁଡି ହେଉଛି କାଳ । ଫଳରେ ଗୋଟିଏ ପରେ ଗୋଟିଏ ଦୁର୍ଘଟଣା ସାମ୍ନାକୁ ଆସୁଛି । ଆଜି ପୁଣି ଏକ ବଡ ଦୁର୍ଘଟଣାରୁ ବର୍ତ୍ତି ଯାଇଛି ଏକ ଯାତ୍ରୀବାହି ବସ୍ । ବସ୍ ଟି ଆଜି ସକାଳୁ କେନ୍ଦ୍ରପଡା ଜିଲ୍ଲା ଦେଇ ଯାଉଥିବା ବେଳେ ଅଚାନକ୍ ରାସ୍ତା ତଳକୁ ଖସି ପଡିଥିଲା । ଏଥିରେ ବିଶେଷ କିଛି କ୍ଷୟ କ୍ଷତି ହୋଇନଥିଲେ ମଧ୍ୟ ଯାତ୍ରୀମାନେ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା କରିବା ଲାଗି ରାଜନଗର ଡାକ୍ତରଖାନାରେ ଭର୍ତ୍ତି କରାଯାଇଛି ।
ଆଜି ସକାଳୁ ଘନ କୁହୁଡି ଥିବା ଯୋଗୁଁ ଦ୍ୱିବେଦୀ ନାମକ ଏକ ଘରୋଇ ବସ୍ ଟି ଗୋପାଲପୁର ଠାରେ ରାସ୍ତା ତଳକୁ ଖସିପଡିଥିଲା । ଫଳରେ ଯାତ୍ରୀମାନେ ଆହତ ହୋଇଛନ୍ତି । ଯାତ୍ରୀବାହି ବସ୍ ଟି ରାଜନଗରରୁ ପୁରୀ ଅଭିମୁଖେ ଯାଉଥିବା ବେଳେ ଏଭଳି ଅଘଟଣ ଘଟିଛି ।
