ନୟାଗଡ (ଏଟିଆର ବ୍ୟୁରୋ): ପୁଣି ଏକ ବସ୍ ଦୁର୍ଘଟଣାଗସ୍ତ ଘଟିଛି । ଦୃତ ବେଗରେ ଗାଡି ଚଳାଇବା ହେଲା କାଳ । ଫଳରେ ଭାରସାମ୍ୟ ହରାଇ ଦୋକାନ ଉପରକୁ ମାଡି ଯାଇଛି ଟୁରିଷ୍ଟ ବସ୍ । ଏହି ଦୁର୍ଘଟଣାରେ ୧୦ ଜଣ ଯାତ୍ରୀ ଆହତ ହୋଇଛନ୍ତି । ଆହତଙ୍କୁ ଚିକିତ୍ସା କରିବା ଲାଗି ଦଶପଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି । ଘଟଣାଟି ନୟାଗଡା ଜିଲ୍ଲା ଦଶପଲ୍ଲା ଟାକାରା ନିକଟରେ ଘଟିଛି ।
ଗତକାଲି ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି । ବସ୍ ଟି ବଲାଙ୍ଗିରରୁ ବାହାରି ନୟାଗଡା ଆସୁଥିବା ବେଳେ ଟକରା ନିକଟରେ ଦୁର୍ଘଟଣା ଘଟିଥିଲା । ଏଥିରେ ଦୋକନ ଟି ସମ୍ପୂର୍ଣ୍ଣ ଭାଙ୍ଗି ଯାଇଥିବା ବେଳେ ବସ୍ ର ସମୁଖ ଭାଗ ଚୂର ମାର ହୋଇଯାଇଛି । ଘଟଣାରେ ପୋଲିସ୍ ବସ୍ କୁ ଜବତ କରିଛି ।
