ବଲାଙ୍ଗିର (ଏଟିଆର ବ୍ୟୁରୋ); ଟ୍ରକ ଧକ୍କାରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣକ ହେଲେ ଗାନ୍ଧିପଡାର ଗୋପାଳ ମିଶ୍ର । ଘଟଣାସ୍ଥଳରେ ଉତ୍ତେଜନା ସୃଷ୍ଟି ହେବା ସହ ଉତ୍ୟକ୍ତ ଲୋକ ଦୁର୍ଘଟଣା କରିଥିବା ଟ୍ରକକୁ ପୋଡିବା ସହ ଠିଆ ହୋଇଥିବା ଆଉ ଏକ ଟ୍ରକକୁ ମଧ୍ୟ ପୋଡି ଦେଇଥିବା ଦେଖିବାକୁ ମିଳିଛି । ତେବେ ଘଟଣାକୁ ନିୟନ୍ତ୍ରଣ କରିବା ପାଇଁ ଆସିଥିବା ପୋଲିସ ସହ ଉତ୍ୟକ୍ତ ଲୋକଙ୍କ ଠେଲାପେଲା ହେବା ସହ ଚାପା ଉତ୍ତେଜନା ସୃଷ୍ଟି ହୋଇଥିଲା ।
ପୋଲିସ ରିପୋର୍ଟ ଅନୁଯାୟୀ ଶୁକ୍ରବାର ବିଳମ୍ବିତ ରାତିରେ ଗୋପାଳ ବାଇକରେ ଯାଉଥିବା ବେଳେ ହଠାତ ଟ୍ରକଟି ଭାରସାମ୍ୟ ହରାଇ ବାଇକକୁ ଧକ୍କା ଦେଇଥିଲା । ଫଳରେ ରାସ୍ତା ଉପରେ ଛିଟିକି ପଡିଥିଲେ ଗୋପାଳ । ତାପରେ ଗୋପାଳଙ୍କ ଉପରେ ଟ୍ରକଟି ଚଢ଼ି ଯାଇଥିଲା । ପରେ ଉପସ୍ଥିତ ଥିବା ଲୋକ ଟ୍ରକକୁ ଅଟକାଇ ପୋଡି ଦେଇଥିଲେ ।
