ଢେଙ୍କାନାଳ (ଏଟିଆର ବ୍ୟୁରୋ ) ; ଦୋକାନ ଉପରକୁ ମାଡିଗଲା ବାଲି ବୋଝେଇ ହାଇୱା । ଚାପିହୋଇଗଲେ ଦୋକାନୀ ମାଲିକ । ଏଭଳି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ଗଁନ୍ଦିଆ ଥାନା ଅନ୍ତର୍ଗତ ବାଇଁଶିଆ ଠାରେ । ଏଭଳି ଦୁର୍ଘଟଣାରେ ଜଣେ ଦୋକାନୀଙ୍କ ମୃତ୍ୟୁ ଘଟିଥିବା ଜଣାପଡିଛି । ତେବେ ମୃତକ ଜଣକ ସ୍ଥାନୀୟ ଅଞ୍ଚଳର ମନେଇ ସାହୁ ବୋଲି ଜଣାପଡିଛି ।
ଆଜି ସକାଳେ ମନେଇ ଦୋକାନରେ ବ୍ୟସ୍ତ ଥିବା ବେଳେ ଦୋକାନ ର ପାଖାପାଖି ଅଞ୍ଚଳରେ ଗୋଟିଏ ବାଲି ବୋଝେଇ ହାଇୱା ବାଲି ପକାଉଥିଲା । ତେବେ ହଠାତ ହାଇୱା ଟିର ଚକା ଦବିଯିବାରୁ ଭାରସାମ୍ୟ ହରାଇଥିଲା ଯାହାଫଳରେ ହାଇୱା ଟି ମନେଇଙ୍କ ପାନ ଦୋକାନ ଉପରକୁ ମାଡିଯାଇଥିଲା । ଫଳରେ ଟ୍ରକ ତଳେ ଚାପି ହୋଇ ଦୋକାନ ଚୁରମାର୍ ହୋଇଯାଇଛି । ଘଟଣାସ୍ଥଳରେ ମନେଇ ଙ୍କ ମୃତ୍ୟୁ ହୋଇଥିବା ଜଣାପଡିଛି ।
