ରାଇରଙ୍ଗପୁର (ଏଟିଆର ବ୍ୟୁରୋ): ମୟୁରଭଞ୍ଜର ରାଇରଙ୍ଗପୁର ବିଶୋଇ ନିକଟରେ ଏକ ଗ୍ୟାସ୍ ସିଲିଣ୍ଡର ବୋଝେଇ ଟ୍ରକ୍ ଦୁର୍ଘଟଣାଗ୍ରସ୍ତ ଘଟିଛି । ଟ୍ରକ୍ ଟି ପୋଲ ତଳକୁ ଓଲଟି ପଡିବା ଫଳରେ ସେଥିରେ ଥିବା ଡ୍ରାଇଭର ଜଣଙ୍କ ଗୁରୁତର ଭାବେ ଆହତ ହୋଇଛନ୍ତି । ସେ ଜାମସେଦପୁରର ମୃତ୍ୟୁଞ୍ଜୟ ଶ୍ରୀବାସ୍ତବ ବୋଲି ଜାଣିବାକୁ ମିଳିଛି ।
ଏହି ସିଲିଣ୍ଡର ବୋଝୋଇ ଟ୍ରକ୍ ଟି ଜାମସେଦପୁରରୁ ବାରିପଦା ଆସୁଥିବା ବେଳେ ଏହି ଦୁର୍ଘଟଣା ଘଟିଛି । ଅଚାନକ୍ ଟ୍ରକ୍ ଡ୍ରାଇଭର ଜଣଙ୍କ ଭାରସାମ୍ୟ ହରାଇବା ସହିତ ପୋଲର ସୁରକ୍ଷା ବାଡ ଭାଙ୍ଗି ଯାଇଥିବାରୁ ଟ୍ରକଟି ପୋଲ ତଳକୁ ଓଲଟି ପଡିଥିଲା । ଘଟଣାସ୍ଥଳରେ ପୋଲିସ ପହଁଚି ଟ୍ରକ୍ ଭିତରୁ ଡ୍ରାଇଭରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଛନ୍ତି । ଏହାସହିତ ସିଲିଣ୍ଡର ଗୁଡିକ ଚାରିଆଡେ ଛିନ୍ ଭିନ୍ ହୋଇ ପଡିଥିବାର ଦେଖିବାକୁ ମିଳୁଛି ।
