ମୟୁରଭଞ୍ଜ ( ଏଟିଆର ବ୍ୟୁରୋ): ଘାଟିରୁ ଟ୍ରକ ଖସି ୨ ମୃତ । ଏମିତି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ମୟୁରଭଞ୍ଜ ଜିଲ୍ଲା ଦ୍ୱାରଶୁଣି ଘାଟି ନିକଟରେ । ଆଜି ସକାଳ ୬ ଟାରେ ଏହି ଦୁର୍ଘଟଣା ଘଟିଛି । ଟ୍ରକଟି ଘାଟି ଉଠୁଥିବା ବେଳେ ଭାରସ୍ୟାମ ହରାଇ ୪୦ ଫୁଟ ତଳକୁ ଖସି ପଡିଥିଲା । ଫଳରେ ଘଟଣା ସ୍ଥଳରେ ୨ ଜଣଙ୍କର ମୃତ୍ୟୁ ହୋଇଛି ।
ଜଣେ ଗୁରୁତର ଆହତ ହୋଇଛନ୍ତି । ତେବେ ମୃତକଙ୍କ ପରିଚୟ ମିଳିପାରି ନାହିଁ । ଆହତଙ୍କ ନାମ ଦିଲ୍ଲୀପ କୁମାର ଦାସ ବୋଲି ଜଣା ପଡିଛି । ଟ୍ରକଟି ଲୁହା ନେଇ ଚଣ୍ଡିଗଡରୁ ଛତିଶଗଡ ଯାଉଥିଲା । ଆହତ ଦିଲ୍ଲୀପଙ୍କୁ ବାରିଙ୍ଗପୋଷି ମେଡିକାଲରେ ଭର୍ତ୍ତି କରାଯାଇଛି । ଖବର ପାଇ ପୋଲିସ ଓ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚିଥିଲେ । ଗାଡିଟିକୁ ଏବେ ସେଠାରୁ ଉଠାଇବା ପାଇଁ ପ୍ରକ୍ରିୟା ଆରମ୍ଭ ହୋଇଛି ।
