ଭବାନୀପାଟଣା ( ଏଟିଆର ବ୍ୟୁରୋ) : କଳାହାଣ୍ଡି ଭବାନୀ ପାଟଣା ନୁନମଠ ଗାଁରେ ଟ୍ରକ ଚଢି ଯିବାରୁ ଜଣେ ନାବଳିକାର ମୃତ୍ୟୁ ହୋଇଛି । ଯାହାକୁ ନେଇ ଏବେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଛି । ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ସ୍ଥାନୀୟ ଲୋକେ ରାସ୍ତା ଅବରୋଧ କରିଛନ୍ତି। ସୂୁଚନା ଅନୁସାରେ ଆଜି ସସ୍ମିତା ନାବକ ଜଣେ ନାବଳିକା ରାସ୍ତା ଏକଡରୁ ସେ କଡକୁ ବିସ୍କୁଟ ଆଣିବାକୁ ଯାଉଥିଲେ ।
ସେହି ସମୟରେ ବଲାଙ୍ଗୀର ପଟରୁ ଆସୁଥିବା ଏକ ଦୃତଗାମୀ ଟ୍ରକ ସସ୍ମିତାଙ୍କ ଉପରେ ଚଢି ଯାଇଥିଲା । ଘଟଣା ସ୍ଥଳରେ ସସ୍ମିତାଙ୍କ ମୃତ୍ୟୁ ହୋଇଥିଲା । ଆଜି ସକାଳେ ସସ୍ମିତା ତାଙ୍କ ବାପାଙ୍କ ସହିତ ନୁନମାଠ ଗାଁକୁ ଆସିଥିଲେ ବୁଲିବାକୁ । ତେବେ ଦୁର୍ଘଟଣା ଘଟଣା ଘଟାଇ ସାରିବା ପରେ ଡ୍ରାଇଭର ଘଟଣା ସ୍ଥଳରୁ ଫେରାର ହୋଇ ଯାଇଛି । ପୁଲିସ ଟ୍ରକକୁ ଜବତ କରି ତଦନ୍ତ ଆରମ୍ଭ କରିଛି ।
ଘଟଣା ସ୍ଥଳରେ ଏବେ ଉତ୍ତେଜନା ଦେଖା ଦେଇଛି । ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ସ୍ଥାନୀୟ ଲୋକେ ରାସ୍ତା ଅବରୋଧ କରିଛନ୍ତି। ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରୁଥିଲେ ସୁଦ୍ଧା ଦାବି ପୂରଣ ନ ହେବା ଯାଏଁ ରାସ୍ତା ବନ୍ଦ ରହିବ ବୋଲି ଲୋକମାନେ ଜିଦି ଧରିଛନ୍ତି । ଫଳରେ ରାସ୍ତାର ଉଭୟ ପାର୍ଶ୍ୱରେ ଗାଡିମଟର ଅଟକି ରହିଛି।
