ୱାଶିଂଟନ(ଏଟିଆର ବ୍ୟୁରୋ):ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆମେରିକାର ଲେଜିଅନ ଅଫ ମେରିଟ ସମ୍ମାନରେ ସମ୍ମାନିତ କରାଯାଇଛି । ଡୋନାଲ୍ଟ ଟ୍ରମ୍ପ ମୋଦିଙ୍କୁ ଏହି ପୁରଷ୍କାର ପ୍ରଦାନ କରିଛନ୍ତି ।
ଆମେରିକା ଓ ଭାରତ ମଧ୍ୟରେ ଥିବା ରାଜନୈତିକ ବୁଝାମଣା ଓ ଭାରତ ବିଶ୍ୱ ଶକ୍ତି ଭାବରେ ଉଭା ହୋଇଥିବାରୁ ଟ୍ରମ୍ପ ମୋଦିଙ୍କୁ ଏହି ସମ୍ମାନ ପ୍ରଦାନ କରିଛନ୍ତି ।
ଆମେରିକାରେ ଥିବା ଭାରତୀୟ ରାଜଦୂତ ତରନଜିତ ସିଂ ସାନ୍ଧୁ ମୋଦିଙ୍କ ପକ୍ଷରୁ ଏହି ସମ୍ମାନ ଗ୍ରହଣ କରିଛନ୍ତି । ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ରବର୍ଟ ଓ ବ୍ରିଏନ୍ ହ୍ୱାଇଟ ହାଉସରେ ସାନ୍ଧୁଙ୍କୁ ଏହା ପ୍ରଦାନ କରାଯାଇଛି ।
ମୋଦିଙ୍କ ବ୍ୟତୀତ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ସ୍ଖଟ ମୋରିସନ ଓ ଜାପାନର ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କୁ ମଧ୍ୟ ଟ୍ରମ୍ପ ଲେଜିଅନ ଅଫ ମେରିଟରେ ସମ୍ମାନିତ କରିଛନ୍ତି । ଗୋଟଏ ଦେଶ ବା ସରକାରର ମୁଖ୍ୟଙ୍କୁ ଦିଅଯାଇଥିବା ଆମେରିକାର ସବୁଠାରୁ ସମ୍ମାନଜନକ ପୁରସ୍କାର ହେଉଛି ଲେଜିଅନ ଅଫ୍ ମେରିଟ ।
