ପଟ୍ଟାମୁଣ୍ଡାଇ (ଏଟିଆର ବ୍ୟୁରୋ): କିଏ ଜାଣେ ମୃତ୍ୟୁ କେତେବେଳେ ଆସେ । ଯେତେ ଯାହା କଲେ ବି ମୃତ୍ୟୁକୁ କେହି ରୋକି ପାରିବେ ନାହିଁ । ଏଭଳି ଏକ ଦୁଃଖଦ ଘଟଣା କେନ୍ଦ୍ରପଡା ଜିଲ୍ଲା ମୁଳୁବସନ୍ତ ପଞ୍ଚାୟତ ବନ୍ଧସାହି ଗାଁରେ ଘଟିଛି । ସାପ ଚୋଟରେ ଚାଲି ଯାଇଛି ଦୁଇ ଭାଇଙ୍କ ଜୀବନ । ସେମାନେ ହେଲେ ଉଦୟଭାନୁ ସାହୁ (୧୩) ଓ କୃତିବାସ ସାହୁ (୭) ।
ଗତକାଲି ବିଳମ୍ବିତ ରାତିରେ ଦୁଇ ଭାଇ ଶୋଇଥିବା ବେଳେ ଅଚାନକ ଏକ ସାପ ଘରେ ପସି ଜଣଙ୍କ ପରେ ଜଣଙ୍କୁ ଚୋଟ ମାରିଥିଲା । ଫଳରେ ଦୁହିଁଙ୍କର ସ୍ୱାସ୍ଥ୍ୟବସ୍ଥା ଗୁରୁତର ହୋଇପଡିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରୁ ଦୁହିଁଙ୍କୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତର ବେଳେ ରାସ୍ତାରେ ଉଭୟଙ୍କର ମୃତ୍ୟୁ ହୋଇଥିଲା ।
