ଢ଼େଙ୍କାନାଳ (ଏଟିଆର ବ୍ୟୁରୋ); ସ୍ଥାନୀୟ ସଦର ଥାନା ଅନ୍ତର୍ଗତ ପଦ୍ମନାଭ ପୁର ଅନ୍ତର୍ଗତ ରେଙ୍ଗାଲି ଡ୍ୟାମର ବାମ କେନାଲରୁ ୨ ଜଣଙ୍କର ମୃତ ଦେହ ଉଦ୍ଧାର କରାଯାଇଛି । ତେବେ ମୃତକ ଦ୍ୱୟଙ୍କ ପରିଚୟ ମିଳିପାରିନାହିଁ । ପୋଲିସ ମୃତ ଦେହକୁ ଜବତ କରି ବ୍ୟବଛେଦ ପାଇଁ ପଠାଇ ଦେଇଛି । କେହି ହତ୍ୟା କରି ପକାଇ ଦେଇଛି କିମ୍ବା ଭାରସାମ୍ୟ ହରାଇ କେନାଲରେ ପଡି ମୃତ୍ୟୁ ହୋଇଛି ତାହା ସ୍ପଷ୍ଠ ହୋଇନାହିଁ । ଏଣୁ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ପୋଲିସ ରିପୋର୍ଟ ଅନୁଯାୟୀ ଗୁରୁବାର ସକାଳୁ କେନାଲ ଉପରେ ଗୋଟିଏ ବାଇକ ଦୁର୍ଘଟଣା ଗସ୍ତ ହୋଇ ଖଣ୍ଡ ବିଖଣ୍ଡିତ ହୋଇ ପଡିଥିବା ଦେଖିଥିଲେ ସ୍ଥାନୀୟ ଲୋକ । ଏହା ପରେ ସେମାନେ କେନାଲ ତଳକୁ ଯାଇ ଦେଖିବା ବେଳକୁ ଦୁଇଟି ମୃତ ଦେହ ଦେଖିଥିଲେ । ସେମାନେ ପୋଲିସ ଏବଂ ଅଗ୍ନିଶମ ବିଭାଗକୁ ଖବର ଜଣାଇଥିଲେ । ପୋଲିସ ଆସିବା ପରେ ମୃତ ଦେହକୁ ଉଦ୍ଧାର କରିବା ସହ ବ୍ୟବଛେଦ ପାଇଁ ପଠାଇ ଦେଇଛି । କେହି କେହି ଏହାକୁ ହତ୍ୟାର ରୂପ ଦେଉଥିବା ବେଳେ ଆଉ କେହି ଦୁର୍ଘଟଣା କାରଣରୁ ଜୀବନ ଯାଇଛି ବୋଲି ଅନୁମାନ କରୁଛନ୍ତି ।
