ବୈାଦ୍ଧ(ଏଟିଆର ବ୍ୟୁରୋ): ଜଙ୍ଗଲରେ ନିଆଁ ଲଗାଇବା ଅଭିଯୋଗରେ ଧରାପଡିଲେ ବାପା ପୁଅ । ଗତକାଲି ରାତିରେ ମୁଣ୍ଡେଶ୍ୱର ସିଂରକ୍ଷିତ ଜଙ୍ଗଲରେ ପେଟ୍ରୋଲିଂ ବେଳେ ୪ ଟି ସ୍ଥାନରେ ନିଆଁ ଲାଗିଥିଲା । ସ୍କାଡ ଦେଖି ଦୈାଡି ଖସି ପଳାଇଥିବା ବେଳେ ସେମାନେ ଧରାପଡିଥିଲେ ।
ଗିରଫ ହୋଇଥିବା ଅଭିଯୁକ୍ତମାନେ ହେଲେ ମାଧପୁର କଲୋନୀ ସାହିର ଆସନ ମାଝୀ ଓ ତାଙ୍କ ପୁଅ ଶ୍ୟାମଘନ ମାଝୀ । ଗିରଫ ଅଭିଯୁକ୍ତଙ୍କ ପାଖରୁ ୨ ଟି ଟାଙ୍ଗିଆ ଓ ଦିଆସିଲି ଜିବତ କରାଯାଇଛି । ଚଢାଇ ବେଳେ ରେଞ୍ଜ ଅଧିକାରୀ ସରୋଜ ମିଶ୍ର,ଫରେଷ୍ଟ ସ୍ୱାଧୀନ ମିଶ୍ର,ଫରେଷ୍ଟ ସ୍ୱାଧୀନ ସାମଲ,ବନରଖି ସତିସରଞ୍ଜ କମ୍ପୋ ସମେତ ଫାୟାର ସ୍ୱାର୍ଡ କର୍ମଚାରୀ ସାମିଲ ଥିଲେ ।
ଗତ ୧୩ ତାରିଖ ପୁରୁଣାକଟକ ରେଞ୍ଜ ମୁଣ୍ଡେଶ୍ଵର ଜଙ୍ଗଲରୁ ୪ ଜଣଙ୍କୁ ଓ ରବିବାର ମନମୁଣ୍ଡା ରେଞ୍ଜ ସୁବର୍ଣ୍ଣଗିରି ଜଙ୍ଗଲରୁ ବନ୍ଧୁକ ସହ ୨ ଜଣଙ୍କୁ ଗିରଫ କରାଯାଇଥିଲା । ସେମାନଙ୍କୁ ବନ ବିଭାଗ କୋର୍ଟ ଚାଲାଣ କରିଥିବା ବେଳେ ଆଜି ଏହି ବାପପୁଅଙ୍କୁ କୋର୍ଟ ଚାଲାଣ କରାଯିବ ବୋଲି ଜଣାପଡିଛି ।
