ପୁରୀ (ଏଟିଆର ବ୍ୟୁରୋ): ପୋଲାଙ୍ଗ ଗଛରେ ଝୁଲୁଛି ଅଜଣା ବୃଦ୍ଧଙ୍କ ମୃତଦେହ । ଏଭଳି ଏକ ଅଭାବନୀୟ ଘଟଣା ପୁରୀ କୋଣାର୍କ ରାସ୍ତାରେ ଥିବା ନୂଆନଈ ବ୍ରିଜ୍ ନିକଟରେ ଘଟିଥିବା ସାମ୍ନାକୁ ଆସିଛି । ହେଲେ ଏ ବୃଦ୍ଧ କିଏ, ଏଠାକୁ ଆସିଲେ କେମିତ । ସେ ତାଙ୍କ ନିଜସ୍ୱ ଇଛାରେ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରି ଏଠାରେ ଟାଙ୍ଗି ଦେଇଛି । ଏଭଳି ଅନେକ ପ୍ରଶ୍ନ ଉଠିଛି ସାଧାରଣରେ ।
ଆଜି ସକାଳୁ ନୂଆନଈ ବ୍ରିଜ୍ ନିକଟରେ ଥିବା ଏକ ପୋଲାଙ୍ଗ ତୋଟାରେ ଜଣେ ବୃଦ୍ଧଙ୍କ ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ତାଙ୍କ ବେକରେ ଗାମୁଛା ଲାଗିଛି ଏବଂ ଗଛ ଉପରେ ଏକ ବ୍ୟାଗ୍ ରଖା ହୋଇଛି । ସ୍ଥାନୀୟ ଲୋକେ ଏହି ଦୃଶ୍ୟ ଦେଖିଲା ପରେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଁଚି ଗଛରୁ ବୃଦ୍ଧଙ୍କ ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।
