କନ୍ଧମାଳ (ଏଟିଆର ବ୍ୟୁରୋ); ସ୍କୁଲପିଲାଙ୍କ ଉପରେ ମାଡିଗଲା ଅଜଣା ଗାଡି । ଘଟଣାସ୍ଥଳରେ ଦୁଇ ଜଣ ଛାତ୍ରଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛି । ଆହତ ଛାତ୍ରକୁ ଫୁଲବାଣୀ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଏଭଳି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି କନ୍ଧମାଳ ଜିଲ୍ଲା ଖଜୁରୀପଡା ଅନ୍ତର୍ଗତ ପିରିକୁଡିଠାରେ । ଉତ୍ୟକ୍ତ ଲୋକ ରାସ୍ତା ରୋକ କରିଛନ୍ତି । ସ୍ଥାନୀୟ ଅଞ୍ଚଳରେ ଉତ୍ତେଜନା ମଧ୍ୟ ସୃଷ୍ଟି ହୋଇଛି । ତେବେ ପୋଲିସ ଖବର ପାଇବା ପରେ ଖଜୁରୀପଡା ପୋଲିସ ପହଁଞ୍ଚି ଉତ୍ୟକ୍ତ ଲୋକଙ୍କୁ ବୁଝାଶୁଝା କରୁଛି ।
ସୂଚନା ଅନୁଯାୟୀ ସ୍କୁଲ ଛୁଟି ହେବା ପରେ ସାଙ୍ଗ ହୋଇ ଫେରୁଥିଲେ । ହଠାତ ଏକ ଅଜଣା ଗାଡି ଆସି ୩ ଜଣଙ୍କୁ ଚପାଇ ଦେଇ ଦୃତ ଗତିରେ ପଳାଇଥିଲା । ଘଟଣାସ୍ଥଳରେ ଦୁଇଜଣଙ୍କର ମୃତ୍ୟୁ ହୋଇଥିଲା । ଏବଂ ଜଣେ ଗୁରୁତର ଆହତ ହୋଇଥିଲେ । ଆହତଙ୍କୁ ସ୍ଥାନୀୟ ଲୋକ ଉଦ୍ଧାର କରି ଫୁଲବାଣୀ ମେଡିକାଲକୁ ପଠାଇ ଦେଇଛନ୍ତି । ସେପଟେ ଉତ୍ୟକ୍ତ ଲୋକ ରାସ୍ତା ବନ୍ଦ ରଖିଛନ୍ତି । ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ରାସ୍ତାରେ ବସିଥଲେ ।
