ଭୁବନେଶ୍ୱର (ଏଟିଆର ବ୍ୟୁରୋ): କୁହାଯାଏ ମନୁଷ୍ୟର ପୂର୍ବଜନ୍ମ ଥିଲା ମର୍କଟ ମାନେ ମାଙ୍କଡ । ସେଥିପାଇଁ କିଛି କିଛି କଥାରେ ମନୁଷ୍ୟର ପ୍ରକୃତିକୁ ମାଙ୍କଡ ପ୍ରକୃତି ସହ ମଧ୍ୟ ତୁଳନା କରାଯାଏ । ହେଲେ ବର୍ତ୍ତମାନ ମାଙ୍କଡକୁ ନେଇ ଏଭଳି ଏକ ଭିଡିଓ ସାମ୍ନାକୁ ଆସିଛି । ଯାହା ଆପଣଙ୍କୁ ଆଶ୍ଚର୍ଯ୍ୟ କରିଦେବ । ଆଜ୍ଞା ହଁ ଆଘାତ ଲାଗିବା ପରେ ଗୋଟେ ମଣିଷକୁ ଯେପରି ଯନ୍ତ୍ରଣା ହୋଇଥାଏ । ଠିକ୍ ସେହିପରି ପଶୁ ପକ୍ଷୀ ମାନେ ମଧ୍ୟ ଯନ୍ତ୍ରଣା ଅନୁଭବ କରିଥାନ୍ତି । ଆଜି ଆମେ ଏକଥା ଏଥିପାଇଁ କହୁଛୁ କାରଣ ଗୋଟେ ମେଡସିନ୍ ଷ୍ଟୋରରେ ଚାଲିଛି ମାଙ୍କଡର ଚିକିତ୍ସା । ପ୍ରଥମେ ମୁହଁ , ତାପରେ ଶରୀରର ବିଭିନ୍ନ ସ୍ଥାନରେ ଲାଗିଥିବା କ୍ଷତସ୍ଥାନକୁ ମେଡିସିନ୍ ଦୋକାନୀକୁ ଦେଖାଇ ଚାଲିଛି ମାଙ୍କଡ । ଆଉ ଦୋକାନୀ ବାବୁ ମଧ୍ୟ ଖୁବ୍ ସହଜରେ ମାଙ୍କଡ ଦେହରେ ଲାଗିଥିବ ରକ୍ତକୁ ପୋଛୁଛନ୍ତି ।
ଆପଣମାନେ ଭାବୁଥିବେ କି କେହି ଜଣେ ପୋଷା ମାଙ୍କଡକୁ ଚିକିତ୍ସା କରିବା ଲାଗି ମେଡିଷ୍ଟୋର ନେଇଯାଇଛନ୍ତି । କିନ୍ତୁ ପ୍ରକୃତ କଥା ହେଉଛି ଏହା କୌଣସି ପୋଷା ମାଙ୍କଡ ନୁହେଁ । ମାଙ୍କଡଟିକୁ ଆଘାତ ଲାଗିଥିବା ଯୋଗୁଁ ନିଜେ ମେଡିସିନ୍ ଦୋକାନକୁ ଯାଇଛି ଏବଂ ଶରୀରରେ ଲାଗିଥିବା କ୍ଷତ ସ୍ଥାନକୁ ମେଡିସିନ୍ ଦୋକାନୀକୁ ଦେଖାଉଛି ।
ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରୁ ସ୍ପଷ୍ଟ ଜଣାପଡୁଛି କି ଏହି ମାଙ୍କଡଠାରେ ଭଗବାନ କେତେ ବୁଦ୍ଧି ଦେଇଛନ୍ତି । ଯିଏ ନିଜର ଆଘାତ ଲାଗିଥିବା ସ୍ଥାନକୁ ଚିକିତ୍ସା କରିବା ପାଇଁ ମେଡିସିନ୍ ଷ୍ଟୋରରେ ନିଜେ ପହଁଚିଛି ।
