ଭୁବନେଶ୍ୱର ( ଏଟିଆର ବ୍ୟୁରୋ): ଭୁବନେଶ୍ୱର – ସିକନ୍ଦରାବାଦ ବିଶାଖା ଏକ୍ସପ୍ରେସ ଅଳ୍ପକେ ଏକ ବଡ ଦୁର୍ଘଟଣାରୁ ବର୍ତ୍ତିଛି । ଟ୍ରେନଟି ଚାଲୁଥିବା ବେଳେ ଅଧାବାଟରେ ଏଥିରୁ ବଗି ଅଲଗା ହୋଇ ଯାଇଛି । ସୂଚନା ଅନୁସାରେ ଏହି ଅଘଟଣ ଘଟିଛି ଖୋର୍ଦ୍ଦା ଜିଲ୍ଲା ବାଲୁଗାଁ ନିକଟରେ ।
ଏଠାରେ ଟ୍ରେନ ଇଞ୍ଜିନ କିଛି ବଗି ନେଇ ଯାଉଥିବା ବେଳେ ଆଉ କିଛି ବଗି ଟ୍ରେନ ଠାରୁ ଅଲଗା ହୋଇ ପଛେ ପଛେ ଚାଲୁଥିଲା । ତେବେ ଏଥିରେ କୌଣସି ଯାତ୍ରୀଙ୍କର କିଛି କ୍ଷତି ହୋଇନାହିଁ । ଘଟଣା ସ୍ଥଳରେ ରେଲୱେ ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଯାତ୍ରୀମାନେ ଏହି କଥା ଜାଣିବା ପରେ ଭୟବିତ ହୋଇ ପଡିଛନ୍ତି ।
