ରାଜଭବନ ଉଦ୍ୟାନ ଦେଖିବା ପାଇଁ ୱେବସାଇଟରେ ଉପଲବ୍ଧ ହେଲା ପ୍ରବେଶପତ୍ର

ଭୁବନେଶ୍ୱର(ଏଟିଆର ବ୍ୟୁରୋ): ଆଜିଠୁ ସର୍ବସାଧାରଣଙ୍କ ନିମନ୍ତେ ଖୋଲାଯିବ ରାଜଭବନ ଉଦ୍ୟାନ । ଜନସାଧାରଣ ମାନଙ୍କ ସହଜ ଓ ସୁବିଧାରେ ପ୍ରବେଶପତ୍ର ମିଳିବା ଉଦ୍ଦେଶ୍ୟରେ ରାଜଭବନ ପକ୍ଷରୁ ମୋବାଇଲ ଆପ୍ ଓ ୱେବସାଇଟରେ ବ୍ୟବସ୍ଥା କରାଯାଇଛି ।

ଲୋକ ମାନେ ରାଜଭବନର ସରକାରୀ ୱେବସାଇଟ rajbhavanodisha.gov.in କୁ ଯାଇ ପ୍ରବେଶପତ୍ର ପ୍ରସ୍ତୁତ କରିପାରିବେ । ସେହିଭଳି ସ୍ମାର୍ଟ ଫୋନରେ ଥିବା ଗୁଗଲ ପ୍ଲେ ଷ୍ଟୋରରୁ  ‘Rajbhavan Odisha’ ରେ ପ୍ରବେଶ ପତ୍ର କରିପାରିବେ । ସମସ୍ୟ ଓ ଭିଡରୁ ମୁକ୍ତି ପାଇବା ପାଇଁ ରାଜଭବନ ପକ୍ଷରୁ ଏହି ବ୍ୟବସ୍ଥା କରାଯାଇଛି । ରାଜଭବନ ପକ୍ଷରୁ ଏହି ବ୍ୟବସ୍ଥାକୁ ଉପଯୋଗ କରିବାକୁ ଅନୁରୋଧ କରାଯାଇଛି ।