ଡେଙ୍କାନାଳ ( ଏଟିଆର ବ୍ୟୁରୋ): ଢେଙ୍କାନାଳରେ ଜଣେ ବୃଦ୍ଧ ଛେଳି ଚରାଉଥିବା ବେଳେ ମହୁମାଛିଙ୍କ ଶୀକାର ହୋଇ ପ୍ରାଣ ହରାଇଛନ୍ତି । ସୂଚନା ଅନୁସାରେ ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଲୋଧଣୀ ଗ୍ରାମରେ ଏହି ଅଭାବନୀୟ ଘଟଣା ଘଟିଛି । ମୃତକଙ୍କ ନାମ ଲଳିତା ବେହେରା ବୋଲି ଜଣା ପଡିଛି । ଲଳିତା ଗ୍ରାମ ପାଖରେ ଥିବା ଏକ ଘାସ ପଡିଆରେ ନୀଜ ଛେଳି ମାନଙ୍କୁ ଚରାଇବାକୁ ନେଇଥିବା ବେଳେ ସେଠାରେ ପାଖ ଗଛରେ ଥିବା ଏକ ମହୁମାଛି ବସାରୁ ହଠାତ ମହୁମାଛି ମାନେ ଆସି ତାଙ୍କୁ ମାରିଥିଲେ ।
ଏକକାଳୀନ ଏକାଧିକ ମହୁମାଛି ମାରିବାରୁ ବୃଦ୍ଧ ଜଣଙ୍କ ଘଟଣା ସ୍ଥଳରେ ଚିକ୍ରାର କରି ଅଚେତ ହୋଇ ଯାଇଥିଲେ । ପାଖରେ ଥିବା ଲୋକ ବୃଦ୍ଧକୁ ସେଠାରୁ କୌଶଳ କ୍ରମେ ଉଦ୍ଧାର କରି ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ତାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ କାମାକ୍ଷା ମେଡିକାଲ ସ୍ଥାନାନ୍ତରିତ କରାଯାଇଥିଲା । ଚିକିତ୍ସାଧିନ ଅବସ୍ଥାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଗତକାଲି ରାତି ୧ ଟା ବେଳେ ଲଳିତାଙ୍କର ମୃତ୍ୟୁ ହୋଇଛି ।
