ଭଦ୍ରକ (ଏଟିଆର ବ୍ୟୁରୋ): ଭଦ୍ରକ ଜିଲ୍ଲା ଧାମନଗର ଥାନା ତାଳଷିଠା ଗାଁରେ ଏକ ହୃଦୟବିଦାରକ ଘଟଣା ଘଟିଛି । ଗାଁରେ ରହୁଥିବା ରବି ବେହୁରିଆଙ୍କ ଘରେ ପସି ଜଣେ ଯୁବକ ତାଙ୍କ ପତ୍ନୀଙ୍କ ମୁଣ୍ଡକୁ ଶିଳପୁଆରେ ଛେଚି ନିର୍ମମ ଭାବେ ହତ୍ୟା କରିଛି । ମୃତକ ଜଣଙ୍କ ହେଲେ ଭକ୍ତିଲତା ବେହୁରିଆ ।
ଖବରମୁତାବକ, ଗତକାଲି ବିଳମ୍ବିତ ରାତିରେ ଭକ୍ତିଲତାଙ୍କ ସ୍ୱାମୀ ଘରେ ନଥିବା ସମୟରେ ଗୋପିନାଥ ମହାନ୍ତି ନାମକ ଜଣେ ଯୁବକ ତାଙ୍କ ଘରେ ପଶି ରବିଙ୍କ ଝିଅକୁ ଦଉଡିରେ ବାନ୍ଧି ପକାଇବା ସହ ତାଙ୍କ ପତ୍ନୀଙ୍କ ମୁଣ୍ଡକୁ ଶିଳପୁଆରେ ଛେଚି ହତ୍ୟା କରି, ଅଭିଯୁକ୍ତ ଫେରାର ହୋଇଯାଇଛି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
