ରାୟଗଡା(ଏଟିଆର ବୁରୋ): ବିଭିନ୍ନ ସମୟରେ ଯୁବକ, ଯୁବତୀ ମାନେ ନିଜର ପତିଆରା ଦେଖାଇବା ପାଇଁ ସୋଶିଆଲ ମଡିଆରେ ବହୁ ପ୍ରକାରର ଭିଡିଓ କରି ଭାଇରାଲ କରିଥାନ୍ତି । ସେହିପରି ଏକ ଅଭାବନୀୟ ଘଟଣା ଗତ କିଛି ଦିନ ତଳେ ଦେଖିବାକୁ ମିଳିଥିଲା । ରାୟଗଡା ଜିଲ୍ଲା କାଶୀପୁର ବ୍ଲକର ଜଣେ ଯୁବକ ଏକ ଧାର୍ମିକ ଫୋଟରେ ନିଆଁ ଲଗାଇ ଏହାର ଭିଡିଓ ବନାଇ ସୋଶିଆଲ ମିଡିଆରେ ଏହାକୁ ଭାଇରାଲ କରିଥିଲେ ।
ଭିଡିଓଟି ସୋଶିଆଲ ମିଡିଆରେ ଭାଇରାଲ ହେବା ପରେ ତିବ୍ର ଅସନ୍ତୋଷ ଓ ପ୍ରତିକ୍ରିୟା ପ୍ରକାଶ ପାଇଥିଲା । ଏହା ପରେ ଘଟଣାଟି ଅତି ଜଟିଳ ପରିସ୍ଥିତି ଆଡକୁ ଗତି କରିଥିଲା । ପୋଲିସ ଖବର ପାଇ ଯୁବକଙ୍କ ନାମରେ ଟିକିରି ଥାନାରେ ଏକ ମାମଲା ରୁଜୁ କରି ତୁରନ୍ତ ସମ୍ପୃକ୍ତ ଯୁବକକୁ ଗିରଫ କରିଛି । ଯୁବକ ଜଣକ ହେଲେ ପଞ୍ଚାଳି ଜିଲ୍ଲାର ଅଗସ୍ତି ଗରଡା ।
