ଭୁବନେଶ୍ୱର (ଏଟିଆର ବ୍ୟୁରୋ); ବିଜେଡି ସହିତ ଗୋଲଡେନ ବାବାର ଲିଙ୍କକୁ ଦେଇ ଛାତ୍ର କଂଗ୍ରେସ ସଭାପତି ଇତିଶ ପ୍ରଧାନଙ୍କ ନେତୃତ୍ୱରେ ନବୀନ ନିବାସ ଘେରାଉ କରିବା ପାଇଁ ଯାଉଥିବା ବେଳେ କଂଗ୍ରେସ କର୍ମୀ ଏବଂ ପୋଲିସ ମଧ୍ୟରେ ଧସ୍ତା ଧସ୍ତି ହୋଇଥିବା ଦେଖିବାକୁ ମିଳିଛି । ଶିଶୁ ଭବନ ଛକଠାରେ ପୋଲିସ କଂଗ୍ରେସ କର୍ମୀ ପ୍ରଥମେ ଅଟକାଇ ଥିବା ବେଳେ କଂଗ୍ରେସ କର୍ମୀମାନେ ପୋଲିସ ଉପରକୁ ଅଣ୍ଡା ଏବଂ ବିଲାତି ମାଡ କରିବା ସହ ବାରିଗେଡ ଭାଙ୍ଗି ଯିବା ପାଇଁ ଚେଷ୍ଟା କରୁଥିବା ବେଳେ ମୁହାଁମୁହିଁ ହୋଇଛନ୍ତି । ଏହି ଘଟଣାରେ ପୋଲିସ ଶତାଧିକ କଂଗ୍ରେସ କର୍ମୀଙ୍କୁ ଗିରଫ କରିଛି ।
ବିଜେଡିର ବହୁ ତୁଙ୍ଗ ନେତା ଏବଂ ଭୁବନେଶ୍ୱର ମେୟରଙ୍କ ସହ ସମ୍ପୃକ୍ତିକୁ ନେଇ ନବୀନ ନିବାସ ଘେରାଉ କରିବା ପାଇଁ ଯାଉଥିଲେ ଛାତ୍ର କଂଗ୍ରେସ । ସେପଟେ ବିଶାଳ ରାଲି କରିବା ସହ ମେୟରଙ୍କ କୁଶପୁତ୍ତଳିକା ଦାହ କରି ବିଶାଳ ରାଲିରେ କଂଗ୍ରେସ ଭବନରୁ ପଦ ଯାତ୍ରାରେ ନବୀନ ନିବାସ ଯାଉଥିବା ବେଳେ ପୋଲିସ-କର୍ମୀ ଧସ୍ତା ଧସ୍ତି ହୋଇଥିଲେ ।
ବିଜେଡିର ମନ୍ତ୍ରୀ ଏବଂ ମେୟର ଏହି ଗୋଲଡେନ ବାବାଙ୍କ ଲିଙ୍କ ରହିଛି । ଏମାନଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ପୂର୍ବରୁ ଗୋଲଡେନ ବାବା ମେୟରଙ୍କ ସହ ବହୁ କାର୍ଯ୍ୟକ୍ରମରେ ଯୋଗ ଦେବା ପାଇଁ ଯାଉଥିବା ବେଳେ ମନ୍ତ୍ରୀଙ୍କ ସହ କମ୍ବଳ ବାଣ୍ଟୁଥିବାର ପଟୋ ଭାଇରାଲ ହୋଇଥିଲା । ସେପଟେ ଗୋଲଡେନ ବାବା ବିଜେଡିର ନାଁ ନେଇ ମାର୍କେଟରୁ ବହୁ ଲୋକଙ୍କ ଠାରୁ ଟଙ୍କା ଉଠାଉଥିଲା । ଏଭଳି ଅନେକ ଘଟଣାକୁ ନେଇ କଂଗ୍ରେସ ଏକ ପ୍ରେସ ମିଟ କରି ବିଜେଡିକୁ ଟାର୍ଗେଟ କରିଥିଲା ।
