ଆନନ୍ଦପୁର ( ଏଟିଆର ବ୍ୟୁରୋ): କାଳ ହେଲା ସାପ ସହିତ ଖେଳିବା ।ସାପ ସହିତ ଖେଳିବାରୁ ଚାଲିଗଲା ଜୀବନ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଆନନ୍ଦପୁର ପଚାଙ୍ଗ ଗାଁରେ । ସୂଚନା ଅନୁସାରେ ଏହି ଗ୍ରାମରେ ଗୋଟେ ଚନ୍ଦନ ବୋଡା ସାପ ବାହାରିଥିଲା । ସାପଟିକୁ ଗ୍ରାମର କିଛି ଯୁବକ ଏକ ଅଖାରେ ପୁରାଇ ଜଙ୍ଗଲରେ ଛାଡି ଦେବାକୁ ନେଉଥିଲେ ।
ଏହି ସମୟରେ ଅଧାବାଟରେ ମୁନା ନାୟକ ନାମକ ଜଣେ ଯୁବକ ସେ ସାପଟିକୁ ଅଖାରୁ ବାହାର କରି ଖେଳୁଥିବା ସମୟରେ ସାପଟି ମୁନାକୁ ଚୋଟ ମାରିଥିଲା । ପରେ ମୁନା ଅସୁସ୍ଥ ହୋଇ ପଡିଥିଲେ । ଗ୍ରାମବାସୀ ଯୁବକଙ୍କ ସହିତ ସାପଟିକୁ ଲୋକେ ଆନନ୍ଦପୁର ମେଡିକାଲ ନେଇଯାଇଥିଲେ । ସେଠାରେ ଡାକ୍ତର ମୁନାକୁ ମୃତ ଘୋଷଣା କରିଥିଲେ । ଏନେଇ ଖବର ପାଇବା ପରେ ବନ ବିଭାଗ କର୍ମଚାରୀ ଡାକ୍ତରଖାନାରେ ପହଞ୍ଚି ସାପଟିକୁ ଲୋକଙ୍କ ଠାରୁ ଉଦ୍ଧାର କରିଥିଲେ ।
