ଭୁବନେଶ୍ୱର (ଏଟିଆର ବ୍ୟୁରୋ): ମଝିରେ ମାତ୍ର ଆଉ ଗୋଟିଏ ଦିନ । ଯାହାକୁ ନେଇ ଚଳଚଞ୍ଚଳ ହୋଇ ପଡିଛି ସହରଠୁ ଗାଁ । ୨୦୧୯ କୁ ବିଦାୟ ଦେଇ ୨୦୨୦କୁ ସ୍ୱାଗତ କରିବା ପାଇଁ ସମସ୍ତେ ଚାତକ ଭଳି ଅନାଇ ବସିଛନ୍ତି । ତେବେ ଆସନ୍ତୁ ଜାଣିବା ରାଜଧାନୀରେ କେଉଁଠି କିଭଳି ହେଉଛି ଜରୋନାଇଟ ସେଲିବ୍ରେସନ ।
ସ୍ୱସ୍ତି ପ୍ରିମିୟମ- ଜିରୋନାଇଟ ସେଲିବ୍ରେସନ ପାଇଁ ହୋଟେଲ ସ୍ୱସ୍ତି ପ୍ରିମିୟରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଛି । ଯାହାର ନାମ ରଖା ଯାଇଛି ସ୍କାଏ ଲିମିଟ ୨୦୨୦ । ସ୍ୱସ୍ତିର ପ୍ଲାଜା କ୍ଲବରେ ଏହାର ଆୟୋଜନ ହୋଇଛି । ଜଣପିଛା ୩୫୦୦ ଟଙ୍କା ରହିଥିବା ବେଳେ ଦମ୍ପତିଙ୍କ ପାଇଁ ୫ ହଜାର ଟଙ୍କା ରଖାଯାଇଛି ।
ଲୋଟସ ରିସଷ୍ଟସ- ପୁରୀ କୋଣାର୍କ ମେରାଇନ ଡ୍ରାଇଭ ରୋଡ ଲୋଟସ ରିସଷ୍ଟସରେ ଆୟୋଜିତ ହେଉଛି ୩୧ ଡିସେମ୍ବର ଗାଲା ସେଲିବ୍ରେସନ । ଏଥିରେ ରେଡିଓ ଚକଲେଟର ଆରଜେ ଅନିଲ, ଭଏସ ଅଫ ଓଡିଶା ଫେମ ପ୍ରିତି ପ୍ରମୁଖ ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରିବେ ।
ହୋଟେଲ କଳିଙ୍ଗ ଅଶୋକା- ସେହିଭଳି ଭୁବନେଶ୍ୱର କଳିଙ୍ଗ ଅଶୋକାରେ ମଧ୍ୟ ଜିରୋ ନାଇଟ ସେଲିବ୍ରେସନ ପାଇଁ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଛି । ଯାହାର ନାମ ରଖାଯାଇଛି ରାଉଣ୍ଡ ମିଡ ନାଇଟ । ଏଥିରେ ବଲିଉଡ କଳାକାର ଯୋଗ ଦେବାର କାର୍ଯ୍ୟକ୍ରମ ରହିଛି । ଟିକେଟର ମୂଲ୍ୟ ରହିଛି ଜଣପିଛା ୧୪୯୯ ରହିଥିବା ବେଳେ ଦମ୍ପତିଙ୍କ ପାଇଁ ରହିଛି ୨୪୯୯ ଟଙ୍କା ।
ହୋଟେଲ ଗ୍ରୀନଫିଲ୍ଡ- ରସୁଲଗଡର ହାଇଟେକ ମେଡିକାଲ ଛକ ହୋଟେଲ ଗ୍ରୀନଫିଲ୍ଡରେ ଆୟୋଜିତ ହେଉଛି ନକଆଉଟ । ଏଥିରେ ନଟିଆ କମେଡିର ଭଏସ ଓଭର ଆର୍ଟିଷ୍ଟ ସ୍ମୃତି ରଞ୍ଜନ ଏବଂ ୟୁଟ୍ୟୁବ କମେଡିଆନ ଗୁଲୁଆ ଯୋଗ ଦେବେ । ଏଠାରେ ଜଣପିଛା ୭୯୯ ଟଙ୍କା ଏଣ୍ଟ୍ରି ଫି ରଖାଯାଇଥିବା ବେଳେ ଦମ୍ପତିଙ୍କ ପାଇଁ ୧୩୯୯ ଟଙ୍କା ରଖାଯାଇଛି ।
ଏଚଏଚଆଇ- ଭୁବନେଶ୍ୱର ୩ ନଂ ଏଚଏଚଆଇରେ ବଲିଉଡ ଅନଲିମିଟେଡ ୨୦୨୦ ଅନୁଷ୍ଠିତ ହେବ । ଏଥିରେ ଓଲିଉଡ ଓ ବଲିଉଡର ବହୁ ପ୍ରତିଷ୍ଠିତ କଣ୍ଠଶିଳ୍ପୀ ଯୋଗଦେବାର କାର୍ଯ୍ୟକ୍ରମ ରହିଛି । ଏଥିପାଇଁ ସ୍ୱତନ୍ତ୍ର ପ୍ୟାକେଜ ବ୍ୟବସ୍ଥା କରାଯାଇଛି ।
ହୋଟେଲ ପଲହାଇଟ୍ସ- ଜୟଦେବ ବିହାର ପଲହାଇଟରେ ୩୧ ତାରିଖ ରାତିରେ ଅନୁଷ୍ଠିତ ହେବ ବଲିବ୍ଲାଷ୍ଟ । ଏଥିରେ ବଲିଡିଜେ,ବଲି ଲାଇଭ ବ୍ୟାଣ୍ଡ,ଗାଲା ଡିନର, ପଞ୍ଜାବି ଢୋଲ ଆଦି ସାମିଲ ହେବ । ଏହାର ଟିକେଟ ପଲହାଇଟସ ଓ ଏସପ୍ଲାନେଡ ମଲରେ ଉପଲବ୍ଧ ରହିଛି ।
