ଭୁବନେଶ୍ୱର (ଏଟିଆର ବ୍ୟୁରୋ): ଜାରି ରହିଛି ଶୀତ ଲହରୀ । ଏହାସହିତ କଲବଲ କରୁଛି ଘନ କୁହୁଡି । ଲଗାତର କିଛି ଦିନ ହେବ ରାଜ୍ୟର ବିଭିନ୍ନ ସ୍ଥାନ କୁହୁଡିର ଚାଦର ତଳେ ଢାଙ୍କି ହୋଇ ରହୁଛି । ଯାହାଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡୁଛି । ଇତିମଧ୍ୟରେ ଆସନ୍ତା ଜାନୁଆରୀ ୨୨ ଏବଂ ୨୩ ରେ କୁହୁଡି ଆହୁରୀ କଲବଲ କରିବ ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
ଆଜିର ତାପମାତ୍ରା ଅନୁଯାୟୀ ମାଲକାନାଗିରିରେ ସବୁଠାରୁ ଅଧିକ ଥଣ୍ଡା ଅନୁଭୂତ ହୋଇଛି । ସେଠାକାର ତାପମାତ୍ରା ୯ ଡିଗ୍ରୀ ରହିଛି । ଆଗାମୀ ୨୨ ଓ ୨୩ ରେ ଆଭ୍ୟନ୍ତରୀଣ ଜିଲ୍ଲା ଏବସ ଉପକୂଳ ଅଞ୍ଚଳରେ ଘନ କୁହୁଡି ଦୃଶ୍ୟମାନ ହେବ । ଖୋର୍ଦ୍ଧା , କଟକ, ନୟାଗଡ, ପୁରୀ, ଭଦ୍ରକ, କେନ୍ଦ୍ରପଡା, ଢେଙ୍କାନାଳ, ଦେବଗଡ, ଅନୁଗୁଳ, ଜଗତସିଂହପୁର, କୋରାପୁଟ, କନ୍ଧମାଳ, ସୁନ୍ଦରଗଡ ଏବଂ ମାଲକାନାଗିରିରେ କୁଡୁଡି ଅନୁଭୂତ ହେବ ।
