ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ ଜାରି ରହିଛି ଶୀତ ଲହରୀ । ଖସୁଛି ପାରଦ ବଢୁଛି ଶୀତ । ହାଡଭଙ୍ଗା ଶୀତରେ ଥରୁଛି ସାରା ଓଡିଶା । ରାଜ୍ୟର ବିଭିନ୍ନ ସ୍ଥାନର ତାପମାତ୍ରା ୧୫ ଡିଗ୍ରୀ ତଳକୁ ଖସି ଆସିଥିବା ବେଳେ ୧୦ ଡିଗ୍ରୀ ତଳେ ୧୪ ସହର । ଜି.ଉଦୟଗିରି ସବୁଠୁ ଥଣ୍ଡା ସହର ପାଲଟିଛି । ଯାହାର ତାପାମାତ୍ରା ୫ ଡିଗ୍ରୀ ରେକର୍ଡ କରାଯାଇଛି । ଏନେଇ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି ।
ରେକର୍ଡ ହୋଇଥିବା ତାପମାତ୍ରା ଅନୁଯାୟୀ ଫୁଲବାଣୀ ୭ ଡିଗ୍ରୀ, କିରେଇ ୭.୫ ଡିଗ୍ରୀ, ଅନୁଗୁଳ ଓ କୋରାପୁଟ ୮ ଡିଗ୍ରୀ, ସେମିଳିଗୁଡା ୮.୪ ଡିଗ୍ରୀ, ଦାରିଙ୍ଗବାଡି ୮.୫ ଡିଗ୍ରୀ, କେନ୍ଦୁଝର ଓ ରାଉରକେଲା ୮.୬ ଡିଗ୍ରୀ, ସୁନ୍ଦରଗଡ ୮.୮ ଡିଗ୍ରୀ, ଭବାନୀପାଟନା ୮.୯ ଡିଗ୍ରୀ , ରାଣୀତାଲ ୯ ଡିଗ୍ରୀ, ଝାରସୁଗୁଡା ୯.୨ ଡିଗ୍ରୀ, ସୋନପୁର ୧୦ ଡିଗ୍ରୀ । ସେହିପରି କଟକ ଓ ଭୁବନେଶ୍ୱର ତାପମାତ୍ର ୧୩ ଡିଗ୍ରୀ ରେକର୍ଡ ।
