ଭୁବନେଶ୍ୱର (ଏଟିଆର ବ୍ୟୁରୋ): ଟ୍ୱିନ ସିଟିରେ ଆଜି ଘଡଘଡି ସହ ବର୍ଷା ହେବାର ସମ୍ଭାବନା ରହିଛି । ଦିନ ସାଢେ ୧୧ ଟା ଯାଏଁ ସତର୍କତା ଜାରି କଲା ଆଞ୍ଚଳିକ ପାଣିପାଗ ବିଭାଗ କେନ୍ଦ୍ର ।
ପ୍ରାୟତଃ ୧ ରୁ ୨ ସେଣ୍ଟିମିଟର ଏବଂ ୨ ରୁ ୩ ସେଣ୍ଟିମିଟର ପର୍ଯ୍ୟନ୍ତ ବର୍ଷା ହୋଇପାରେ । ଯାହାଫଳରେ ରସ୍ତା ଘାଟ ଦୃଶ୍ୟମାନ ନ ହୋଇ ପାରେ । ଟ୍ରାଫିକ ଜାମ ହେବା ସହିତ ତଳିଆ ଅଞ୍ଚଳରେ ପାଣି ଜମା ହୋଇ ପାରେ । ରାସ୍ତାରେ ଚାଲିଲା ବେଳେ ମ୍ୟାନହୋଲ ଉପରେ ନଜର ରଖନ୍ତୁ ।ଏହାସହିତ କୌଣସି ଜରୁରୀ କାମ ନଥିଲେ ଘରୁ ନବାହାରିବା ପାଇଁ ପାଣିପାଗ ବିଭାଗ କେନ୍ଦ୍ର ପକ୍ଷରୁ ପରାମର୍ଶ ଦିଆଯାଇଛି ।
